editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
പരീക്ഷകൾ പുന:ക്രമീകരിച്ചു, ഹാൾ ടിക്കറ്റ്, തീയതി നീട്ടി: കണ്ണൂർ സർവകലാശാല വാർത്തകൾസൂപ്പര്‍വൈസര്‍ നിയമനം, റിഫ്രഷര്‍ കോഴ്‌സ്, പരീക്ഷകൾ: കാലിക്കറ്റ്‌ സർവകലാശാല വാർത്തകൾപ്രീ-എക്‌സാമിനേഷന്‍ ട്രെയിനിങ് സെന്ററില്‍ പ്രിന്‍സിപ്പാള്‍: വിരമിച്ചവര്‍ക്ക് അവസരംപരീക്ഷ മാറ്റി, വിവിധ പരീക്ഷകൾ, പരീക്ഷാഫലങ്ങൾ: എംജി സർവകലാശാല വാർത്തകൾകേരള വെറ്റിനറി ആന്‍ഡ് അനിമല്‍ സയന്‍സ് യൂണിവേഴ്‌സിറ്റിയില്‍ സംരംഭകത്വ പരിശീലനംലഹരിമുക്ത കലാലയത്തിനായി അണിനിരക്കാം: സ്കൂൾ വാർത്ത 2023ലെ ലഘുലേഖ പുറത്തിറക്കിശുചിത്വമിഷന്റെ ഭാഗമായി നഗരസഭകളില്‍ 99യുവ പ്രൊഫഷണലുകള്‍ക്ക് അവസരംഹിന്ദുസ്ഥാന്‍ ഓര്‍ഗാനിക് കെമിക്കല്‍ ലിമിറ്റഡില്‍ ജൂനിയര്‍ അസിസ്റ്റന്റ് ടെക്‌നീഷ്യന്‍: ഐടിഐ യോഗ്യതയുള്ളവര്‍ക്ക് അപേക്ഷിക്കാംസി-ഡിറ്റില്‍ ഗ്രാഫിക് ഡിസൈനര്‍ /ട്രെയിനി: ഡിസംബര്‍ 2വരെ അപേക്ഷിക്കാം.ശാസ്ത്ര സാങ്കേതിക മ്യൂസിയത്തിൽ സ്കൂൾ വിദ്യാർത്ഥികൾക്ക് കൂടുതൽ പഠനാവസരം; “സൈറ്റക്” ആരംഭിച്ചു

രാജ്യാന്തര തലത്തിൽ മത്സര ശേഷി ഉള്ളവരായി നമ്മുടെ കുഞ്ഞുങ്ങൾ മാറണം: പ്രവേശനോത്സവത്തിൽ ആശംസകൾ നേർന്ന് മന്ത്രി വി. ശിവൻകുട്ടി

Published on : June 01 - 2022 | 11:33 am

JOIN OUR WHATSAPP GROUP https://chat.whatsapp.com/Fub3n2XSsER2apt6xrU51O

തിരുവനന്തപുരം: കോവിഡ് അതിതീവ്ര ഘട്ടത്തെ അതിജീവിച്ച് ഏറെ പ്രതീക്ഷയോടെ പുതിയ അധ്യയന വർഷത്തിലേക്ക് കടന്നിരിക്കുകയാണ് നമ്മുടെ കുഞ്ഞുങ്ങൾ. പ്രതീക്ഷയോടെ വീണ്ടും സ്കൂൾ മുറ്റത്തേക്കെത്തിച്ചേർന്ന കുഞ്ഞുങ്ങൾക്ക് ആശംസകൾ നേർന്ന് വിദ്യാഭ്യാസ മന്ത്രി വി. ശിവൻകുട്ടി. രാജ്യാന്തര തലത്തിൽ മത്സര ശേഷി ഉള്ളവരായി നമ്മുടെ കുഞ്ഞുങ്ങൾ മാറണമെന്നും ഒപ്പം നല്ല മനുഷ്യരാവാനും മത – ജാതി – വർണ വ്യത്യാസമില്ലാതെ പരസ്പരം സാഹോദര്യത്തോടെ കണ്ട് ജീവിക്കാനുള്ള കനിവ് അവർക്കുണ്ടാകട്ടെയെന്നും അദ്ദേഹം ആശംസിച്ചു. തിരുവനന്തപുരം, കഴക്കൂട്ടം ഗവ. ഹയർ സെക്കൻഡറി സ്കൂളിൽ നടന്ന പ്രവേശനോത്സവച്ചടങ്ങിൽ ആശംസയർപ്പിക്കുകയായിരുന്നു അദ്ദേഹം. കുരുന്നുകളെ കൈപിടിച്ച് ക്ലാസുകളിലേക്ക് ആനയിക്കാനും അദ്ദേഹം മറന്നില്ല.

കോവിഡ് ഏൽപ്പിച്ച പരിക്കുകൾ ഭേദമാക്കലും കോവിഡ് നമുക്ക് തുറന്നു തന്ന സാധ്യതകൾ ഉപയോഗിക്കലും നമ്മുടെ ലക്ഷ്യങ്ങൾ ആണ് എന്ന് അദ്ദേഹം ഓർമിപ്പിച്ചു. കുട്ടികളുടെ സുരക്ഷ സർക്കാരിന് പ്രധാനമാണ്. അതിന് വേണ്ടി വിപുലമായ ക്രമീകരണങ്ങൾ ആണ് ഏർപ്പെടുത്തിയിരിക്കുന്നത്.

കോവിഡ് മാനദണ്ഡങ്ങൾ കർശനമായി പാലിക്കപ്പെടണമെന്ന് നിർദ്ദേശം നൽകി. ഇതിനായി സ്‌കൂളും പരിസരവും വൃത്തിയാക്കാനുള്ള നടപടികൾ കൈക്കൊണ്ടു. കുട്ടികൾക്ക് വാക്സിൻ നൽകുന്നത് ത്വരിത ഗതിയിലാക്കി. പൊതുവിദ്യാലയങ്ങളുടെ ഗുണം ഏറിയ പങ്കും സാധാരണക്കാർക്കാണ് ലഭിക്കുന്നത്. അതിനാൽ തന്നെ പൊതുവിദ്യാലയങ്ങൾ ഏത് വിധേനയും സംരക്ഷിക്കപ്പെടണം.

പൊതുവിദ്യാഭ്യാസ മേഖല കഴിഞ്ഞ ആറ് വർഷങ്ങളായി വികസിച്ചു. പത്തര ലക്ഷം പുതിയ വിദ്യാർത്ഥികൾ ഈ കാലയളവിൽ പൊതുവിദ്യാഭ്യാസ ധാരയിലേക്ക് ഒഴുകി എത്തി. പൊതുവിദ്യാഭ്യാസ സംരക്ഷണ യജ്ഞവും അതിന്റെ പിന്തുടർച്ചയായ വിദ്യാകിരണം പദ്ധതിയും പൊതുവിദ്യാഭ്യാസ മേഖലയുടെ അടിസ്ഥാനസൗകര്യവികസനത്തിന് വലിയ കുതിച്ചുചാട്ടം ഉണ്ടാക്കി.

സ്കൂളുകൾക്ക് പുതിയ കെട്ടിടങ്ങൾ ഉണ്ടായി, ലാബും ലൈബ്രറിയും ഹൈടെക് ക്ലാസ് മുറികളും ഉണ്ടായി. അസാധ്യം എന്ന് തോന്നിപ്പിക്കുന്ന വികസന പ്രവർത്തനങ്ങൾ നടന്നു. ഇതിന്റെ ഭാഗമായി അക്കാദമിക മേഖലയിലും ഉണർവുണ്ടായി. നവോത്ഥാന കേരളം ഇന്ന് വിജ്ഞാന സമൂഹമായി കുതിക്കുവാനുള്ള തയ്യറെടുപ്പിലാണ് . അതിനുള്ള അടിത്തറ ഒരുക്കേണ്ടത് സ്കൂളുകളിൽ നിന്നുമാണ്.

വിദ്യാഭ്യാസം എന്നത് ജീവിത നൈപുണ്യ പരിശീലനം കൂടിയാണ്. തൊഴിലിനോ വരുമാനത്തിനോ മാത്രമല്ല വിദ്യാഭ്യാസം. പരിസ്ഥിതി ബോധം, ലിംഗാവബോധം, ശുചിത്വ ബോധം തുടങ്ങിയവ കുട്ടികൾക്ക് ഉണ്ടാകുന്നതിനും വിദ്യാഭ്യാസത്തിലൂടെ കഴിയണം. നീതിയിലും സമത്വത്തിലും അധിഷ്ഠിതമായ ഗുണമേന്മയുള്ള വിദ്യാഭ്യാസം കുട്ടികൾക്ക് നൽകേണ്ട ഉത്തരവാദിത്വം നമുക്കുണ്ടെന്നും അദ്ദേഹം ചൂണ്ടിക്കാട്ടി.

സ്വയം വളരാനുള്ള പ്രവർത്തനം അധ്യാപകരും നടത്തണം. കോവിഡ് കാലത്ത് കാണിച്ച കരുതലും കഠിന പ്രയത്നവും തുടർന്നങ്ങോട്ടും ഉണ്ടാകണമെന്നും ഒന്നര വർഷക്കാലത്തിലേറെ വീടുകളിൽ ഇരുന്ന കുട്ടികൾക്ക് പുതുപരിസരം പരിചയപ്പെടാൻ അധ്യാപകരുടെ സഹായം വേണമെന്നും അദ്ദേഹം ഓർമിപ്പിച്ചു.

0 Comments

Related News