സർവീസിൽ നിന്ന് വിരമിച്ച അധ്യാപകരെ വീണ്ടും വിദ്യാഭ്യാസ വകുപ്പിന്റെ ഭാഗമാക്കും: മന്ത്രി വി. ശിവൻകുട്ടി

JOIN OUR WHATS APP GROUP https://chat.whatsapp.com/BgCqemi9LED6IajnbZJh7s

തിരുവനന്തപുരം: പൊതുവിദ്യാഭ്യാസ വകുപ്പിൽ നിന്ന് പെൻഷൻ പറ്റിയ അധ്യാപകരുടെ സേവനം വീണ്ടും ഉപയോഗപ്പെടുത്താനുള്ള പദ്ധതി തയ്യാറാക്കുന്നതായി മന്ത്രി വി. ശിവൻകുട്ടി. കഴിഞ്ഞ വർഷത്തെ സംസ്ഥാന അധ്യാപക പുരസ്‌ക്കാര വിതരണം ഉദ്ഘാടനം ചെയ്യുകയായിരുന്നു അദ്ദേഹം.
പെൻഷൻ പറ്റിയാലും ഈ രംഗത്ത് പ്രവർത്തിക്കാൻ ആഗ്രഹിക്കുന്ന അധ്യാപകർ ഏറെയുണ്ട്.

അടുത്ത അധ്യയന വർഷം മുതൽ ഇവരുടെ സൗജന്യ സേവനം ലഭ്യമാക്കാനാണ് സർക്കാർ ശ്രമം. ഇതിനായി വിരമിച്ച അധ്യാപകരുടെ ഡാറ്റാ ബാങ്ക് തയ്യാറാക്കും. ആ അധ്യാപകരെ ജില്ലയും സബ്ജില്ലയും തിരിച്ച് അവരുടെ സൗജന്യ സേവനം ലഭ്യമാക്കാനാണ് ശ്രമം. ഈ വർഷം മുതൽ ഇതിനുള്ള നടപടികൾ ആരംഭിക്കും. പല അധ്യാപകരും വിദ്യാഭ്യാസ വകുപ്പിനെ സേവിക്കാൻ ആഗ്രഹം പ്രകടിപ്പിച്ചിട്ടുണ്ടെന്നും മന്ത്രി പറഞ്ഞു.