സാങ്കേതിക ശാസ്ത്ര സർവകലാശാല: ബിടെക് പരീക്ഷാഫലം

തിരുവനന്തപുരം: സംസ്ഥാന സാങ്കേതിക ശാസ്ത്ര സർവകലാശാലയുടെ ബിടെക് പരീക്ഷാഫലം പ്രസിദ്ധീകരിച്ചു. 53.40 ശതമാനമാണ് വിജയം. മുൻവർഷങ്ങളെക്കാൾ ഉയർന്ന വിജയ ശതമാനമാണ് ഈ വർഷം. 23 ബ്രാഞ്ചുകളിലായി 28,424 വിദ്യാർഥികളാണ് പരീക്ഷ എഴുതിയത്. ഇതിൽ 14,743 പേർ വിജയിച്ചു.

ഇലക്ട്രോണിക്സ് വിഭാഗത്തിലാണ് വിജയം കൂടുതൽ. പെൺകുട്ടികളാണ് വിജയശതമാനത്തിൽ മുന്നിൽ. വിജയ ശതമാനം 65.57.പരീക്ഷ എഴുതിയ 11,186 പെൺകുട്ടികളിൽ 7335 പേരും വിജയിച്ചു. ആൺകുട്ടികളുടെ വിജയശതമാനം 42.97 ശതമാനമാണ്. വിജയിച്ച 14,743 പേരിൽ 3008 വിദ്യാർഥികൾ (20.4 ശതമാനം) ബി.ടെക്. ഓണേഴ്സ് ബിരുദത്തിന് അർഹരായി.