പട്ടികജാതി വിദ്യാർത്ഥികളുടെ പ്രാഥമിക പഠനാവശ്യങ്ങള്‍ക്ക് വിദ്യാഭ്യാസ ധനസഹായം

തിരുവനന്തപുരം: ജില്ലയില്‍ സര്‍ക്കാര്‍/എയ്ഡഡ് സ്‌കൂളുകളില്‍ പഠനം നടത്തുന്ന പട്ടികജാതി വിദ്യാർത്ഥികൾക്ക് അധ്യയന വര്‍ഷാരംഭത്തില്‍ പ്രാഥമിക പഠനാവശ്യങ്ങള്‍ നിര്‍വഹിക്കുന്നതിനായി ധനസഹായം നൽകുന്നു.
2020-21 അധ്യയന വര്‍ഷം ഒന്നു മുതല്‍ എട്ടു വരെ ക്ലാസ്സുകളില്‍ പഠിക്കുന്ന വിദ്യാര്‍ത്ഥികള്‍ക്കാണ് 2000 രൂപയുടെ ധനസഹായം. പട്ടികജാതി വികസന വകുപ്പിന്റെ പ്രൈമറി/സെക്കഡറി എഡ്യൂക്കേഷന്‍ എയ്ഡ് പദ്ധതി പ്രകാരമാണ് തുക അനുവദിക്കുന്നത്. വിശദാംശങ്ങള്‍ക്ക് ബന്ധപ്പെട്ട സ്‌കൂള്‍ അധികൃതരുമായോ സ്‌കൂള്‍ പരിധിയിലുളള ബ്ലോക്ക്/മുന്‍സിപ്പാലിറ്റി/കോര്‍പ്പറേഷന്‍/ജില്ലാ പട്ടികജാതി വികസന ഓഫിസുമായോ ബന്ധപ്പെടണമെന്ന് അസിസ്റ്റന്റ് ജില്ലാ പട്ടികജാതി വികസന ഓഫിസര്‍ അറിയിച്ചു.