മലപ്പുറം :കഴിഞ്ഞ വർഷത്തെ ഹയർ സെക്കന്ററി പരീക്ഷയുടെ മൂല്യനിർണയത്തിന്റെ വേതനം ഇതുവരെ വിതരണം ചെയ്യാത്തതിൽ അധ്യാപക പ്രതിഷേധം. വിവിധ ഗവൺമെന്റ് ഹയർസെക്കൻഡറി സ്കൂളുകളിലെ മൂല്യനിർണയ ക്യാമ്പുകളിൽ അധ്യാപക സംഘടനകളുടെ നേതൃത്വത്തിൽ പ്രതിഷേധ ധർണ്ണ നടന്നു. സംസ്ഥാനത്തൊട്ടാകെ 12കോടിരൂപയോളം വേതനം കിട്ടാനുണ്ടെന്നു സംഘടനാ ഭാരവാഹികൾ പറഞ്ഞു. കഴിഞ്ഞ വർഷം മൂല്യനിർണയത്തിന് നിയോഗിക്കപ്പെട്ട പകുതിയോളം അധ്യാപകർക്കാണ് തുക ലഭിക്കാനുള്ളത്. അതേസമയം എസ്എസ്എൽസി മൂല്യനിർണയത്തിന്റെ വേതനം കൃത്യമായി വിതരണം ചെയ്തതായി ഹയർ സെക്കന്ററി അധ്യാപകർ ചൂണ്ടിക്കാട്ടി. കുറ്റിപ്പുറം ഗവ. ഹയർ സെക്കന്ററി സ്കൂളിൽ നടന്ന പ്രതിഷേധം പി.ഇസ്തികാറുദ്ദീൻ ഉദ്ഘാടനം ചെയ്തു. മനോജ് ജോസ് അധ്യക്ഷനായി. ഡോ. ഷാഹുൽഹമീദ്, രഞ്ജിത്ത് വി. കെ,ഡോ. അജിത് കുമാർ, എം. ശരീഫ, അഫീല റസാക്ക്, ഏജിജോർജ്,കെ. സാജിത എന്നിവർ പ്രസംഗിച്ചു.
![എംബിബിഎസ് പ്രവേശനം: കേരളത്തിലെ സ്വാശ്രയ കോളജുകളിലെ പുതുക്കിയ ഫീസ് നിരക്ക്](https://schoolvartha.com/wp-content/uploads/2024/09/images-2024-09-07T203005.224.jpeg)
എംബിബിഎസ് പ്രവേശനം: കേരളത്തിലെ സ്വാശ്രയ കോളജുകളിലെ പുതുക്കിയ ഫീസ് നിരക്ക്
തിരുവനന്തപുരം:എംബിബിഎസ് പ്രവേശന ഫീസിന്റെ അഞ്ചുശതമാനം വർധിപ്പിച്ചതിനെ തുടർന്ന്...