കെ.എ.ടി.എഫ്. ഓൺലൈൻ ഐ.സി.ടി. പരിശീലനത്തിന് തുടക്കമായി.

മലപ്പുറം: സംസ്ഥാനത്തെ അറബിക് അധ്യാപകർക്കായി കേരള അറബിക് ടീച്ചേഴ്സ് ഫെഡറേഷന്റെ നേതൃത്വത്തിൽ ഓൺലൈൻ ഐ.ടി അധ്യാപക പരിശീലനത്തിന് തുടക്കമായി.
പൊതു വിദ്യാലയങ്ങളിലെല്ലാം ഹൈടെക് ക്ലാസ് മുറികൾ ഒരുക്കിയ സാഹചര്യത്തിൽ ആധുനിക സാങ്കേതിക വിദ്യയിലൂടെ പഠന പ്രവർത്തനങ്ങൾ കൈകാര്യം ചെയ്യാൻ അധ്യാപകരെ പ്രാപ്തരാക്കുന്നതിന്റെ ഭാഗമായാണ് കെ.എ.ടി.എഫ് ഐ.ടി.വിഭാഗം പരിശീലനം ആരംഭിച്ചത്.

• 

ഓൺലൈൻ പരിശീലനത്തിന്റെ ഉദ്ഘാടനം പാണക്കാട് മുനവ്വറലി ശിഹാബ് തങ്ങൾ നിർവ്വഹിച്ചു. നിയമസഭാ പ്രതിപക്ഷ ഉപനേതാവ് ഡോ. എം.കെ. മുനീർ, അഡ്വ. എ.എം. ആരിഫ് എം.പി ആലപ്പുഴ, പി. ഉബൈദുല്ല എം.എൽ.എ, കെ.എ.ടി.എഫ്. സംസ്ഥാന പ്രസിഡന്റ് എം.വി. അലിക്കുട്ടി, ജനറൽ സെക്രട്ടറി ടി.പി. അബ്ദുൽ ഹഖ്, മുൻ പ്രസിഡന്റ് ഇബ്രാഹിം മുതൂർ എന്നിവർ ഓൺലൈനിലൂടെ ആശംസകൾ കൈമാറി. സഹീർ പുന്നാട്, അഹമ്മദ് സദാദ് കണ്ണൂർ, എം. മുഹമ്മദ്, എൻ. നസീർ തുടങ്ങിയ ഐ.ടി വിദഗ്‌ദരാണ് ആദ്യഘട്ട ക്ലാസ്സുകൾക്ക് നേതൃത്വം നൽകി വരുന്നത്. ഐ.ടി പരിശീലനത്തിന് മാത്രമായി തയ്യാറാക്കിയ വാട്ട്സ്ആപ്പ് ഗ്രൂപ്പുകളിൽ കെ.എ.ടി.എഫ് സൈറ്റ് മുഖേന രജിസ്റ്റർ ചെയ്ത മുവ്വായിരത്തിൽ പരം അധ്യാപകരാണ് പരിശീലനത്തിൽ പങ്കെടുക്കുന്നത്.

.