പ്ലസ് വൺ പ്രവേശനം ഓഗസ്റ്റ്‌ ആദ്യവാരം: ഈ വർഷം സീറ്റുകൾ വർധിപ്പിക്കും

തിരുവനന്തപുരം: ഈ അധ്യയനവർഷം പ്ലസ് വൺ സീറ്റുകൾ വർധിപ്പിക്കുമെന്ന് മന്ത്രി വി. ശിവൻകുട്ടി. പാലക്കാട്‌ മുതൽ വടക്കോട്ടുള്ള ജില്ലകളിൽ 20ശതമാനം സീറ്റുകൾ വർധിപ്പിക്കും. തെക്കോട്ടുള്ള ജില്ലകളിൽ 10ശതമാനം സീറ്റുകളാണ് വർധിപ്പിക്കുക.

പ്ലസ് വൺ പ്രവേശനം ഓഗസ്റ്റ്‌ ആദ്യവാരം ആരംഭിക്കുമെന്ന് പൊതുവിദ്യാഭ്യാസ ഡയറക്ടർ ജനറൽ ഡോ. ജീവൻ ബാബു പറഞ്ഞു. സിബിഎസ്ഇ പത്താം ക്ലാസ് ഫലം പുറത്തുവന്നാൽ ഉടൻ പ്രവേശന നടപടികൾ ആരംഭിക്കുമെന്നും അദ്ദേഹം പറഞ്ഞു.