തിരുവനന്തപുരം: 1.82 ലക്ഷം കോടി രൂപ റവന്യൂ വരവും 2.4 ലക്ഷം കോടി രൂപ ആകെ ചെലവും പ്രതീക്ഷിക്കുന്ന സംസ്ഥാന ബജറ്റിൽ സ്കൂൾ വിദ്യാർത്ഥികൾക്ക് അപകട ഇൻഷുറൻസ് പരിരക്ഷയ്ക്ക് തുക വകയിരുത്തി. ഒന്നാം ക്ലാസ് മുതൽ പ്ലസ് ടു വരെയുള്ള വിദ്യാർത്ഥികൾക്കാണ് ഇഷുറൻസ് പരിരക്ഷ പദ്ധതി പ്രഖ്യാപിച്ചത്. ഇതിനു പുറമെ പ്രീ-പ്രൈമറി അധ്യാപകരുടെ പ്രതിമാസ വേതനം 1000 രൂപ ഉയര്ത്തി. സ്കൂള് പാചക തൊഴിലാളികളുടെ പ്രതിദിന വേതനത്തില് 25 രൂപയും വര്ധിപ്പിച്ചു. അങ്കണവാടി വര്ക്കര്മാരുടെ പ്രതിമാസ വേതനം 1000 രൂപ ഉയര്ത്തി. അങ്കണവാടി ഹെല്പ്പര്മാരുടെ പ്രതിമാസ വേതനം 500 രൂപ ഉയര്ത്തി. ആശ വര്ക്കര്മാരുടെ പ്രതിമാസ വേതനം 1000 രൂപ ഉയര്ത്തി. പ്രീ-പ്രൈമറി അധ്യാപകരുടെ പ്രതിമാസ വേതനം 1000 രൂപ ഉയര്ത്തി. സ്കൂള് പാചക തൊഴിലാളികളുടെ പ്രതിദിന വേതനത്തില് 25 രൂപ വര്ധിപ്പിച്ചു. സാക്ഷരതാ പ്രേരക്മാരുടെ പ്രതിമാസ വേതനം 1000 രൂപ ഉയര്ത്തി. കരാര്/ദിവസവേതന ജീവനക്കാരുടെ പ്രതിദന വേതനത്തില് 5 ശതമാനം വര്ധനവ് വരുത്തി. ലൈബ്രേറിയന്മാരുടെ പ്രതിമാസ അലവന്സില് 1000 രൂപ വര്ധിപ്പിച്ചു. സര്ക്കാര് ജീവനക്കാരുടെയും പെന്ഷന്കാരുടെയും അവശേഷിക്കുന്ന DA, DR ഗഡുക്കള് പൂര്ണ്ണമായും നല്കും. ഒരു ഗഡു ഡി.എ ഫെബ്രുവരി മാസത്തെ ശമ്പളത്തോടൊപ്പം. അവശേഷിക്കുന്ന ഡി.എ, ഡി.ആര് ഗഡുക്കള് മാര്ച്ച് മാസത്തെ ശമ്പളത്തോടൊപ്പം. ഡി.എ, ഡി.ആര് കുടിശ്ശിക ഘട്ടം ഘട്ടമായി കൊടുത്തുതീര്ക്കും. ആദ്യ ഗഡു ബജറ്റ് വര്ഷം നല്കും. സര്ക്കാര് ജീവനക്കാരുടെ ഹൗസ് ബില്ഡിംഗ് അഡ്വാന്സ് സ്കീം പുനഃസ്ഥാപിക്കും. പങ്കാളിത്ത പെന്ഷന് പദ്ധതിയ്ക്ക് പകരം അഷ്വേര്ഡ് പെന്ഷന് പദ്ധതി ഏപ്രില് 1 മുതല് നൽകും.
അഷ്വേര്ഡ് പെന്ഷനില് അടിസ്ഥാന ശമ്പളത്തിന്റെ 50 ശതമാനം തുക പരമാവധി പെന്ഷന് ഉറപ്പാക്കും. അഷ്വേര്ഡ് പെന്ഷനില് ഡി.ആര് അനുവദിക്കും.
