തിരുവനന്തപുരം: ഇന്ന് എസ്എസ്എൽസി പരീക്ഷയ്ക്ക് സമാപനമാകുമ്പോൾ സ്കൂളുകളിൽ വിദ്യാർത്ഥികളുടെ ആഘോഷ പരിപാടികൾക്ക് കർശന വിലക്ക് ഏർപ്പെടുത്തി. വാർഷിക പരീക്ഷകൾ തീരുന്ന ദിവസം സ്കൂളുകളിൽ ആഘോഷങ്ങൾ സംഘടിപ്പിക്കുന്നതിനിടെ പലപ്പോഴും അക്രമ സംഭവങ്ങൾ ഉണ്ടാകുന്നത് പതിവായ സാഹചര്യത്തിലാണ് നിർദേശം. ഈ വർഷം ഇത്തരം സംഭവങ്ങൾ ഉണ്ടാകാതിരിക്കുന്നതിന് വിദ്യാഭ്യാസ വകുപ്പ് താഴെ നിർദേശങ്ങൾ പുറത്തിറക്കി.
🌐പരീക്ഷ തീരുന്ന ദിവസം അല്ലെങ്കിൽ മധ്യവേനലവധിയ്ക്ക് സ്കൂൾ അടയ്ക്കുന്ന ദിവസം സ്കൂളുകളിൽ ആഘോഷങ്ങൾ ഒന്നും നടത്തുരുത്.
🌐പരീക്ഷ കഴിഞ്ഞു ഇറങ്ങുന്ന വിദ്യാർഥികൾ ആഘോഷങ്ങളോ, ആഹ്ലാദ പ്രകടനങ്ങളോ നടത്തുന്നില്ല എന്ന് അധ്യാപകർ ഉറപ്പാക്കണം.
🌐 പരീക്ഷ തീരുന്ന ദിവസം അല്ലെങ്കിൽ മധ്യവേനലവധിയ്ക്ക് സ്കൂൾ അടയ്ക്കുന്ന ദിവസം കുട്ടികളെ സ്കൂളിൽ നിന്നും കൂട്ടിക്കൊണ്ടു പോകുന്നതിന് രക്ഷകർത്താക്കളുടെ സഹകരണം ഉറപ്പുവരുത്തേണ്ടതാണ്.
🌐പരിക്ഷ തീരുന്ന ദിവസം അല്ലെങ്കിൽ മധ്യവേനലവധിയ്ക്ക് സ്കൂൾ അടയ്ക്കുന്ന ദിവസം സ്കൂൾ ക്യാമ്പസിനു പുറത്ത് പോലീസിന്റെ സഹായം തേടാവുന്നതാണ്.
