തിരുവനന്തപുരം:സംസ്ഥാന സ്കൂൾ കലോത്സവത്തോട് അനുബന്ധിച്ച് മത്സരവേദികളായും താമസസൗകര്യത്തിനുമായി തിരഞ്ഞെടുത്ത സ്കൂളുകൾക്ക് ജനുവരി 8 വരെ പൊതുവിദ്യാഭ്യാസ വകുപ്പ് അവധി പ്രഖ്യാപിച്ചു. കലോത്സവത്തിന് ബസുകൾ വിട്ടുനൽകിയ സ്കൂളുകൾക്കും അവധി ബാധകമാണ്. മറ്റു ജില്ലകളിൽ അവധി ബാധകമല്ല.
സർക്കാർ, എയ്ഡഡ് സ്കൂളുകളിലെ ഒന്നുമുതൽ 8വരെ ക്ലാസുകളിലെ ഒബിസി വിദ്യാർത്ഥികൾക്ക് സ്കോളർഷിപ്പ്: അപേക്ഷ 20വരെ
തിരുവനന്തപുരം:സംസ്ഥാനത്തെ സർക്കാർ, എയ്ഡഡ് സ്കൂളുകളിലെ ഒന്നുമുതൽ 8വരെ ക്ലാസുകളിലെ ഒബിസി വിഭാഗം വിദ്യാർഥികൾക്കുള്ള കെടാവിളക്ക് സ്കോളർഷിപ്പിന് ഇപ്പോൾ അപേക്ഷിക്കാം. പിന്നാക്ക വിഭാഗ വികസന വകുപ്പ് വഴിയുള്ള സ്കോളർഷിപ്പ് പദ്ധതിയാണിത്. വിദ്യാർത്ഥികൾക്ക് ജനുവരി 20വരെ അപേക്ഷ നൽകാം. കൂടുതൽ വിവരങ്ങൾ http://egrantz.kerala.gov.in, http://bcdd.kerala.gov.in വെബ്സൈറ്റുകളിൽ ലഭിക്കും. വിശദ വിവരങ്ങൾക്ക് പിന്നാക്ക വിഭാഗ വികസന വകുപ്പിന്റെ മേഖലാ ഓഫീസുകളിൽ ബന്ധപ്പെടണം.
