പ്രധാന വാർത്തകൾ
വിദ്യാർത്ഥികൾ അടക്കമുള്ള കന്നിവോട്ടർമാരുടെ ശ്രദ്ധയ്ക്ക്; വോട്ട് ചെയ്യേണ്ടത് ഇങ്ങനെഡിഎൽഎഡ്, ബി.വോക് പരീക്ഷാഫലങ്ങൾകുറഞ്ഞ ചിലവിൽ മികച്ച പഠനവസരം നൽകി കാലിക്കറ്റ്‌ സർവകലാശാലയിൽ ഇന്റഗ്രേറ്റഡ് പിജിബിരുദ പ്രവേശനം: സിയുഇടി- യുജി മെയ് 15 മുതൽസ്കൂൾ അധ്യാപകർക്ക് എഐ സാങ്കേതിക വിദ്യയിൽ മെയ്‌ 2മുതൽ പരിശീലനംKEAM-2024: കോഴ്സുകൾ കൂട്ടിച്ചേർക്കാൻ ഇന്നുകൂടി അവസരംഎൻജിനീയറിങ് പ്രവേശന പരീക്ഷ സിലബസ് മാറ്റം: നടപടി വൈകുന്നുസ്കൂൾ വിദ്യാർത്ഥികൾക്കുള്ള സമ്മർ ക്യാമ്പ് മെയ് 6മുതൽഹയർ സെക്കന്ററി ഫലം മെയ് പത്തോടെ: മൂല്യനിർണ്ണയം അടുത്തയാഴ്ച പൂർത്തിയാക്കുംഎസ്എസ്എൽസി മൂല്യനിർണ്ണയം പൂർത്തിയായി: പരീക്ഷാ ഫലം ഉടൻ

പരീക്ഷകൾ കഴിഞ്ഞു: മികച്ച അവസരവുമായി കൈറ്റ് വിക്ടേഴ്സ്

Mar 26, 2024 at 1:00 pm

Follow us on

തിരുവനന്തപുരം:എസ്എസ്എൽസി പരീക്ഷകൾക്ക് പിന്നാലെ ഈ വർഷത്തെ പ്ലസ് ടു പരീക്ഷകളും പൂർത്തിയായി. ഇനി അവധി ദിനങ്ങളാണ്. ആഘോഷങ്ങൾക്കൊപ്പം തുടർപഠനത്തിനുള്ള തയ്യാറെടുപ്പുകളും നടത്തേണ്ടതുണ്ട്. മെഡിക്കൽ എഞ്ചിനിയറിങ് എൻട്രൻസ് പരീക്ഷയ്ക്ക് തയ്യാറെടുക്കുന്നവർക്ക് അവസരമൊരുക്കുകയാണ് കൈറ്റ് വിക്ടേഴ്സ്. ഇതിനായി വിപുലമായ പരിശീലന പരിപാടികൾക്ക് നടത്തുമെന്ന് കൈറ്റ് വിക്ടേഴ്സ് അറിയിച്ചിട്ടുണ്ട്. ഈ അവസരം എല്ലാ വിദ്യാർത്ഥികൾക്കും ഉപയോഗപ്പെടുത്താം. ഇനി മെഡിക്കൽ/ എഞ്ചിനിയറിങ് ഉൾപ്പെടെയുള്ള എൻട്രൻസ് പഠന കാലമാണ്. വലിയ ലക്ഷ്യം നേടുന്നതിൽ നിങ്ങളെ സഹായിക്കാൻ കൈറ്റ് വിക്ടേഴ്സും ഒരുങ്ങിക്കഴിഞ്ഞു. ഏപ്രിൽ ഒന്നുമുതൽ കൈറ്റ് വിക്ടേഴ്സ് ചാനലിൽ ഒരു മാസം നീണ്ടു നിൽക്കുന്ന എൻട്രൻസ് തീവ്ര പരിശീലന ക്ലാസുകൾ ആരംഭിക്കുകയാണ്. പാഠഭാഗങ്ങൾ വിശദീകരിച്ചും മുൻവർഷങ്ങളിലെ ചോദ്യങ്ങൾ വിശകലനം ചെയ്തും വിദഗ്ധർ ക്ലാസുകളെടുക്കും. വരാനിരിക്കുന്ന മത്സര പരീക്ഷകളിൽ സാധ്യതയുള്ള ചോദ്യമാതൃകകളെ പരിചയപ്പെടുത്തുന്നു. ‘ക്രാക്ക് ദ എൻട്രൻസ്’ എന്ന് പേരുള്ള ഈ പരിശീലനത്തിൽ പ്ലസ് വൺ , പ്ലസ് ടു ക്ലാസുകളിലെ ഫിസിക്സ്, കെമിസ്ട്രി, ബയോളജി, മാത്സ് മുഴുവൻ പാoഭാഗങ്ങളും ഉൾപ്പെടുത്തിയിട്ടുണ്ട്.
വിക്ടേഴസ് ക്ലാസിൽ ചർച്ച ചെയ്യുന്ന ചോദ്യോത്തരങ്ങൾക്ക് പുറമേ സ്വയം പരിശീലിക്കുന്നതിനുള്ള ക്വസ്റ്റ്യൻ സെറ്റുകളും ടെസ്റ്റ് പേപ്പറുകളും ഓൺലൈനായി നൽകും. സംസ്ഥാനാടിസ്ഥാനത്തിലുള്ള ഒരു മാതൃകാ എൻട്രൻസ് പരീക്ഷയും ഉണ്ടാവും. 2024 ഏപ്രിൽ ഒന്നുമുതൽ എല്ലാ ദിവസവും വൈകിട്ട് 7 മണിമുതലാണ് പരിശീലനം. ചിട്ടയായും സമഗ്രമായുമുള്ള എൻട്രൻസ് പരീക്ഷാ പരിശീലനത്തിൽ കൈറ്റ് വിക്ടേഴ്സിനൊപ്പം ചേരാം.

Follow us on

Related News