കെടെറ്റ് 2023 പരീക്ഷ: അപേക്ഷ തീയതി നീട്ടി

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/ItKIOEhP0Y77RCNQC4zaj3

തിരുവനന്തപുരം: കേരളത്തിലെ വിദ്യാലയങ്ങളില്‍ അധ്യാപകരാകാനുള്ള പൊതുയോഗ്യതാ നിര്‍ണയ പരീക്ഷയായ കേരളാ ടീച്ചര്‍ എലിജിബിലിറ്റി ടെസ്റ്റിന് (കെടെറ്റ് 2023) അപേക്ഷ സമർപ്പിക്കാനുള്ള അവസാന തീയതി നാളെവരെ നീട്ടി. ഏപ്രിൽ 18ന് വൈകുന്നേരം 5.00 വരെ അപേക്ഷ നൽകാം. അപേക്ഷയിൽ തിരുത്തലുകൾ വരുത്താനുള്ള അവസരം ഏപ്രിൽ 19 വൈകിട്ട് 5 മണിവരെ അനുവദിച്ചു. ഈ സൗകര്യങ്ങൾ https://ktet.kerala.gov.in എന്ന വെബ്സൈറ്റിലെ CANDIDATE LOGIN-ൽ ലഭ്യമാകുന്നതുമാണ്. അപേക്ഷ പരിപൂർണ്ണമായി സമർപ്പിച്ച എല്ലാ അപേക്ഷാർത്ഥികളും അപ്ലിക്കേഷൻ നമ്പറും അപ്ലിക്കേഷൻ ഐ.ഡി. യും നൽകി ഓൺലൈനായി CANDIDATE LOGIN ചെയ്ത് 2023 ഏപ്രിൽ 19-ന് വൈകിട്ട് 5 മണിക്ക് മുമ്പായി അപേക്ഷയിൽ നൽകിയിട്ടുള്ള
വിവരങ്ങളും ഫോട്ടോയും APPLICATION EDIT എന്ന ലിങ്കിലൂടെ നിർബന്ധമായും പരിശോധിക്കണം. മെയ് 2ന് ഹാൾ ടിക്കറ്റ് ലഭ്യമാകും.

ഈ അവസരത്തിൽ നിർദ്ദിഷ്ട മാതൃകയിലുള്ള ഫോട്ടോ ഉൾപ്പെടുത്തുന്നത് കൂടാതെ അപേക്ഷയിൽ നൽകിയിട്ടുള്ള ലാംഗ്വേജ്, ഓപ്ഷണൽ സബ്ജക്ടുകൾ, വിദ്യാഭ്യാസ ജില്ല, അപേക്ഷാർത്ഥിയുടെ പേര്, രക്ഷകർത്താവിന്റെ പേര്, ജെൻഡർ, ജനനതീയതി എന്നിവയും തിരുത്താമെന്ന് പരീക്ഷാ സെക്രട്ടറി അറിയിച്ചു.