പരീക്ഷാ തീയതി, പ്രാക്റ്റിക്കൽ, പരീക്ഷാഫലം, പരീക്ഷാ അപേക്ഷ: എംജി സർവകലാശാല വാർത്തകൾ

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DJyDol6Ntu898w1sWLREHb

കോട്ടയം: അഫിലിയേറ്റഡ് കോളേജുകളുടെ വിവിധ എൽ.എൽ.ബി പ്രോഗ്രാമുകളുടെ ആറാം സെമസ്റ്റർ പരീക്ഷകൾ ജനുവരി 20 ന് ആരംഭിക്കും. വിശദമായ ടൈം ടേബിൾ വെബ്സൈറ്റിൽ.

പരീക്ഷയ്ക്ക് അപേക്ഷിക്കാം
അഫിലിയേറ്റഡ് കോളേജുകളുടെ വിവിധ എൽ.എൽ.ബി പ്രോഗ്രമുകളുടെ ഏഴാം സെമസ്റ്റർ പഞ്ചവത്സര ഇൻറഗ്രേറ്റഡ് എൽ.എൽ.ബി. പരീക്ഷകൾക്ക് പിഴയില്ലാതെ ജനുവരി 18 വരെ അപേക്ഷ നൽകാം. പിഴയോടു കൂടി ജനുവരി 19 നും സൂപ്പർ ഫൈനോടു കൂടി ജനുവരി 20 നും അപേക്ഷ സ്വീകരിക്കും. റഗുലർ വിദ്യാർഥികൾ 240 രൂപയും വിണ്ടും എഴുതുന്നവർ ഒരു പേപ്പറിന് 40 രൂപ നിരക്കിൽ (പരമാവധി 240 രൂപ) സി.വി ക്യാമ്പ് ഫീസ് പരീക്ഷാ ഫീസിനോടൊപ്പം അടയ്ക്കണം.

പ്രാക്ടിക്കൽ
രണ്ടാം സെമസ്റ്റർ ഹോം സയൻസ് – ഫാമിലി ആൻറ് കമ്മ്യൂണിറ്റി സയൻസ് (സി.ബി.സി.എസ്.എസ്, പുതിയ സ്‌കീം – 2021 അഡ്മിഷൻ റഗുലർ, 2020 അഡ്മിഷൻ ഇംപ്രൂവ്മെൻറ്, 2020,2019,2018,2017 അഡ്മിഷനുകൾ റീ-അപ്പിയറൻസ് – ഒക്ടോബർ 2022) പരീക്ഷയുടെ പ്രാക്ടിക്കൽ പരീക്ഷകൾ ഇന്ന്(ജനുവരി 10) മുതൽ വിവിധ കോളജുകളിൽ നടത്തും.

രണ്ടാം സെമസ്റ്റർ എം.എസ്.സി ഫിസിക്സ്. സ്പേസ് സയൻസ് (സി.എസ്.എസ് – 2021 അഡ്മിഷൻ റഗുലർ, 2020 അഡ്മിഷൻ ഇംപ്രൂവ്മെൻറ്, 2020,2019 അഡ്മിഷൻ സപ്ലിമെൻററി – ഒക്ടോബർ 2022) പരീക്ഷയുടെ പ്രാക്ടിക്കൽ പരീക്ഷകൾ നാളെ(ജനുവരി 11) മുതൽ വിവിധ കേന്ദ്രങ്ങളിൽ നടത്തും.
ടൈം ടേബിൾ വെബ്സൈറ്റിൽ.

പരീക്ഷാ ഫലം
കഴിഞ്ഞ വർഷം ഓഗസ്റ്റിൽ നടന്ന നാലാം സെമസ്റ്റർ എം.ടി.ടി.എം, എം.എസ്.സി. ജിയോളജി, എം.എസ്.സി സൈബർ ഫോറൻസിക് (2020 അഡ്മിഷൻ റഗുലർ, 2019 അഡ്മിഷൻ സപ്ലിമെൻററി) പരീക്ഷകളുടെ ഫലം പ്രസിദ്ധീകരിച്ചു. പുനർ മൂല്യനിർണയത്തിനും സൂക്ഷ്മ പരിശോധനയ്ക്കും നിശ്ചിത ഫീസടച്ച് ജനുവരി 23 വരെ ഓൺലൈനിൽ അപേക്ഷ നൽകാം.