തിരുവനന്തപുരം: കേരള എൻജിനീയ
റിങ്, ആർക്കിടെക്ചർ (KEAM) കോഴ്സുകളിലെ പ്രവേശനത്തിനുള്ള മൂന്നാം അലോട്മെന്റ് ഒക്ടോബർ 13ന് പ്രസിദ്ധീകരിക്കും. അലോട്മെന്റ് വൈകിട്ട് 4ന് വെബ്സൈറ്റിൽ ലഭ്യമാകും. പുതുതായി ഉൾപ്പെടുത്തിയ സ്വകാര്യ സ്വാശ്രയ എഞ്ചിനീയറിങ് കോളേജുകളിലേക്കും/കോഴ്സുകളിലേക്കും, ആർക്കിടെക്റ്റർ കോളേജുകളിലേക്കും ഈ
ഘട്ടത്തിൽ അലോട്ട്മെന്റ് നടത്തും.
![\"\"](\"https://schoolvartha.com/wp-content/uploads/2022/10/IMG-20221003-WA0033.jpg\")
എഞ്ചിനീയറിങ്, ആർക്കിടെക്ടർ കോഴ്സുകളിൽ നിലവിലുള്ള ഹയർ ഓപ്ഷനുകൾ മൂന്നാം ഘട്ട
അലോട്ട്മെന്റിലേക്ക് പരിഗണിക്കപ്പെടാൻ ആഗ്രഹിക്കുന്ന വിദ്യാർത്ഥികൾ ‘Confirm\’ ബട്ടൺ ക്ലിക്ക് ചെയ്ത് ഓൺലൈൻ ഓപ്ഷൻ കൺഫർമേഷൻ നിർബന്ധമായും നടത്തേണ്ടതാണ്.
![\"\"](\"https://schoolvartha.com/wp-content/uploads/2022/10/IMG-20221003-WA0013.jpg\")
ഓൺലൈൻ ഓപ്ഷൻ
കൺഫർമേഷനെ തുടർന്ന് ഹയർ ഓപ്ഷൻ പുനഃക്രമീകരണം/ആവശ്യമില്ലാത്തവ റദ്ദാക്കൽ, പുതുതായി ഉൾപ്പെടുത്തിയ കോളേജ്/കോഴ്സ് എന്നിവയിലേക്ക് ആവശ്യമുള്ള പക്ഷം ഓപ്ഷനുകൾ നൽകാനുള്ള സൗകര്യം എന്നിവ പ്രവേശന പരീക്ഷാ കമ്മീഷണറുടെ http://cee.kerala.gov.in എന്ന വെബ്സൈറ്റിൽ ഒക്ടോബർ 11ന് വൈകിട്ട് 4.00 മണിവരെ ലഭ്യമാകും.
![\"\"](\"https://schoolvartha.com/wp-content/uploads/2022/09/IMG-20220923-WA0008-1024x1024.jpg\")
മുൻഘട്ടങ്ങളിലെ അലോട്ട്മെന്റ് പ്രകാരം അഡ്മിഷൻ നേടിയവരുടെയും ഇതുവരെ
അലോട്ട്മെന്റ് ലഭിക്കാത്തവരുടെയും ഓപ്ഷനുകൾ ഈ ഘട്ടത്തിൽ പരിഗണിക്കപ്പെടണമെങ്കിൽ
ഓൺലൈൻ ഓപ്ഷൻ കൺഫർമേഷൻ നിർബന്ധമായും നടത്തേണ്ടതാണ്. ഈ ഘട്ടത്തിൽ ഓൺലൈൻ ഓപ്ഷൻ കൺഫർമേഷൻ നടത്താത്തവർക്ക് മുൻ അലോട്ട്മെന്റിലൂടെ ലഭിച്ച അഡ്മിഷൻ
നിലനിൽക്കുന്നതായിരിക്കും. ഈ അലോട്ട്മെന്റ്, സ്വകാര്യ സ്വാശ്രയ എഞ്ചിനീയറിങ് കോളേജുകളിലേക്ക് പ്രവേശന പരീക്ഷാ കമ്മീഷണർ ഈ വർഷം നടത്തുന്ന അവസാന അലോട്ട്മെന്റ്
ആയിരിക്കും.
![\"\"](\"https://schoolvartha.com/wp-content/uploads/2022/10/IMG-20220913-WA0035-1024x1024.jpg\")
വിശദ വിവരങ്ങൾക്ക് വെബ്സൈറ്റിൽ നൽകിയിട്ടുള്ള വിജ്ഞാപനം കാണുക.
ഹെൽപ് ലൈൻ നമ്പർ : 04712525300
![\"\"](\"https://schoolvartha.com/wp-content/uploads/2022/10/20221005_153729-1024x1015.jpg\")