പ്ര​ഫ​സേ​ഴ്സ് ഓ​ഫ് പ്രാ​ക്ടീ​സ്; പ്രശസ്തരായ വ്യ​ക്തി​ക​ൾക്ക് അ​ധ്യാ​പ​ക​രാ​കാൻ യു.​ജി.​സി അവസരമൊരുക്കുന്നു

SUBSCRIBE OUR YOUTUBE CHANNEL
https://youtube.com/c/SchoolVartha
JOIN OUR WHATSAPP GROUP https://chat.whatsapp.com/HGUHgZJ60Yr4eQPQ7jETYP
ന്യൂ​ഡ​ൽ​ഹി: വിദ്യാഭ്യാസ യോ​ഗ്യ​ത​ക​ൾ പ​രി​ഗ​ണി​ക്കാ​തെ വി​വി​ധ മേ​ഖ​ല​ക​ളി​ലെ അ​റി​യ​പ്പെ​ടു​ന്ന വ്യ​ക്തി​ക​ളെ സ​ർ​വ​ക​ലാ​ശാ​ല​ക​ളി​ലും ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും ഹ്ര​സ്വ​കാ​ല​ത്തേ​ക്ക് അ​ധ്യാ​പ​ക​രാ​ക്കാ​ൻ യു.​ജി.​സി തീരുമാനിച്ചു. \’പ്ര​ഫ​സേ​ഴ്സ് ഓ​ഫ് പ്രാ​ക്ടീ​സ്\’ എ​ന്ന ​പേ​രി​ലു​ള്ള ഈ പ​ദ്ധ​തി​യു​ടെ വി​ജ്ഞാ​പ​നം അടുത്തമാസം പു​റ​പ്പെ​ടു​വി​ക്കും. സാ​ഹി​ത്യം, ശാ​സ്ത്രം, ക​ല, സി​വി​ൽ സ​ർ​വി​സ്, പ്ര​തി​രോ​ധം, എ​ൻ​ജി​നീ​യ​റി​ങ്, മാ​ധ്യ​മ​പ്ര​വ​ർ​ത്ത​നം, വ്യ​വ​സാ​യ സം​രം​ഭ​ക​ത്വം, സാ​മൂ​ഹി​ക​ശാ​സ്ത്രം തു​ട​ങ്ങി​യ മേ​ഖ​ല​ക​ളി​ലെ 15 വ​ർ​ഷം പ​രി​ച​യ​മു​ള്ള പ്ര​ശ​സ്ത വ്യ​ക്തി​ക​ൾ​ക്കാണ് ഈ അവസരം ലഭിക്കുക. പ​തി​വ് യോ​ഗ്യ​ത​ക​ളും മറ്റും ഇവർക്ക് നി​ർ​ബ​ന്ധ​മി​ല്ല. എന്നാൽ, അ​ധ്യാ​പ​ക​രാ​കാ​ൻ പ്രാ​യോ​ഗി​ക​മാ​യി ക​ഴി​വു​ള്ള​വ​രും ചു​മ​ത​ല​ക​ൾ ഉ​ത്ത​ര​വാ​ദി​ത്ത​ത്തോ​ടെ നി​ർ​വ​ഹി​ക്കു​ന്ന​വ​രു​മാ​യി​രി​ക്ക​ണ​മെ​ന്ന് യു.​ജി.​സി​ ക​ര​ട് മാ​ർ​ഗ​രേ​ഖ വ്യ​ക്ത​മാ​ക്കുന്നു. പഠിപ്പിക്കുന്നതിനൊ​പ്പം കോ​ഴ്സു​ക​ളും ക​രി​ക്കു​ല​വും ത​യാ​റാ​ക്ക​ലും നിലവിലുള്ളത് വിപുലപ്പെടുത്തലുമാണ് ഇവരുടെ പ്രധാന ഉത്തരവാദിത്തം. കൂടാതെ നൂ​ത​ന ആ​ശ​യ​ങ്ങ​ൾ​ക്കും സം​രം​ഭ​ങ്ങ​ൾ​ക്കും നി​ർ​ദേ​ശം ന​ൽ​കു​ന്ന​തും മറ്റും ചു​മ​ത​ല​യി​ൽ​പെ​ടും.

അ​ടു​ത്ത അ​ക്കാ​ദ​മി​ക വ​ർ​ഷം മു​ത​ൽ പ്രാ​ക്ടീ​സ് പ്ര​ഫ​സ​ർ​മാ​രെ നി​യോ​ഗി​ച്ചേ​ക്കും. സ​ർ​വ​ക​ലാ​ശാ​ല​ക​ളി​ലും കോ​ള​ജു​ക​ളി​ലും നി​ല​വി​ലു​ള്ള ത​സ്തി​ക​ക​ളു​ടെ 10 ശ​ത​മാ​നം വ​​രെ ഇവരെ നി​യ​മി​ക്കാം. ഈ നിയമനങ്ങൾ മറ്റധ്യാ​പ​ക​രു​ടെ സ്ഥി​ര​നി​യ​മ​ന​ത്തെ ബാ​ധി​ക്കി​ല്ല. തു​ട​ക്ക​ത്തി​ൽ ഒ​രു​വ​ർ​ഷമാണ് പ​ഠി​പ്പി​ക്കാ​ൻ അ​വ​സ​രം ന​ൽ​കുക. തുടർന്ന് സേവനം നീട്ടുന്നത് ഓരോ സ്ഥാ​പ​ന​ങ്ങ​ളുടേയും തീരുമാനാടിസ്ഥാനത്തിലായിരിക്കും. മൂ​ന്നു​വ​ർ​ഷം വ​​രെ സേവനം നീട്ടാവുന്നതാണ്. അ​ത്യ​പൂ​ർ​വ സ​ന്ദ​ർ​ഭ​ങ്ങ​ളി​ൽ നാ​ലാം വ​ർ​ഷ​ത്തി​ലും പ​ഠി​പ്പി​ക്കാം. എന്നാൽ നാ​ലു​വ​ർ​ഷ​ത്തി​ൽ കൂ​ടു​ത​ൽ ഇവർക്ക് അധ്യാപനത്തിന് അ​വ​സ​രം നൽകില്ല. വി​വി​ധ മേ​ഖ​ല​ക​ളി​ലെ പ്ര​ശ​സ്ത​രെ ഇതിലേക്ക് നാ​മ​നി​​ർ​​ദേ​ശം ചെ​യ്യാം. കൂടാതെ സ്വ​യം നാ​മ​നി​​ർ​​ദേ​ശം ചെയ്യാനും അ​വ​സ​ര​മു​ണ്ട്. നിലവിൽ ജോ​ലി​യുള്ളവരും വി​ര​മി​ച്ച​തുമായ അ​ധ്യാ​പ​ക​രെ ഈ പ​ദ്ധ​തിയിലേക്ക് പ​രി​ഗ​ണി​ക്കില്ല.​ നാമനിർദ്ദേശങ്ങൾ സ​ർ​വ​ക​ലാ​ശാ​ല​യും പു​റ​ത്തു​നി​ന്നു​ള്ള വി​ദ​ഗ്ധ​നും പ​രി​ശോ​ധി​ച്ച് അ​ക്കാ​ദ​മി​ക് കൗ​ൺ​സി​ലി​നും സി​ൻ​ഡി​ക്കേ​റ്റി​നും ശി​പാ​ർ​ശ ചെ​യ്യും. അ​ന്തി​മ​ തീ​രു​മാനം സി​ൻ​ഡി​ക്കേ​റ്റാ​കും കൈക്കൊള്ളുക.