ലക്ഷങ്ങൾ ചിലവിട്ട സ്കൂൾ കെട്ടിടത്തിന് ബലക്ഷയം: ഇപ്പോൾ പഠനം മരച്ചുവട്ടിൽ

JOIN OUR WHATS APP GROUP https://chat.whatsapp.com/FyyfPtfe7UH0SaSpt5RgSW

പത്തനംതിട്ട: അറന്തക്കുളങ്ങര എൽ. പി. സ്കൂളിൽ ലക്ഷങ്ങൾ ചിലവിട്ട് നിർമിച്ച കെട്ടിടത്തിന് പഞ്ചായത്തിന്റെ ഫിറ്റ്നസ് ലഭിക്കാത്തതിനാൽ കുട്ടികളെ മരച്ചുവട്ടിലിരുത്തിയാണ് ഇപ്പോൾ പഠനം. ഒരു നൂറ്റാണ്ടിലധികം പഴക്കമുള്ള വിദ്യാലയമാണ് കൊടുമൺ അറന്തക്കുളങ്ങര എൽ. പി സ്കൂൾ. പഴയ കെട്ടിടം 15 ലക്ഷത്തോളം രൂപ മുടക്കി പുതുക്കി പണിഞ്ഞതാണ്. എന്നാൽ കെട്ടിടത്തിനു ബലക്ഷയമുണ്ടെന്ന് പരിശോധനയിൽ വ്യക്തമായതോടെ അനുമതി നിഷേധിച്ചു. ഇപ്പോൾ സ്കൂളിനോട് ചേർന്നുള്ള പഴയ ഷെഡിലും മരത്തണലിലുമാണ് ഇപ്പോൾ ക്ലാസ്സ്‌ നടക്കുന്നത്. 75 ലക്ഷത്തോളം രൂപ മുടക്കി പണിത പുതിയ കെട്ടിടത്തിന്റെ നിർമാണത്തിലും അഴിമതിയുണ്ടെന്ന് ആരോപണമുണ്ട്. സംഭവത്തിൽ അന്വേഷണം ആവശ്യപ്പെട്ട് നാട്ടുകാർ വിജിലൻസിനെ സമീപിചിരിക്കുകയാണ്.