വിദ്യാർത്ഥികളുടെ ബസ് കൺസഷൻ നിരക്ക് വർദ്ധിപ്പിക്കുന്ന കാര്യത്തിൽ തീരുമാനമായില്ല

തിരുവനന്തപുരം:വിദ്യാർഥികളുടെ ബസ് കൺസഷൻ നിരക്ക് വർദ്ധിപ്പിക്കുന്ന കാര്യത്തിൽ തീരുമാനമായില്ല. നിരക്ക് വർധനയുമായി ബന്ധപ്പെട്ട് വിദ്യാർഥി സംഘടനകളുമായി സർക്കാർ നടത്തിയ ചർച്ച തീരുമാനമാകാതെ പിരിഞ്ഞു. ഗതാഗത മന്ത്രി ആന്റണി രാജുവും വിദ്യാഭ്യാസ മന്ത്രി വി.ശിവൻകുട്ടിയുമാണ് വിവിധ വിദ്യാർഥി സംഘടനകളുമായി ഇന്ന് ചർച്ച നടത്തിയത്. ബസ് ചാർജ്ജ് വർദ്ധനയെ സംഘടനകൾ എതിർത്തു. നിലവിലെ സാഹചര്യത്തിൽ നിരക്ക് വർധന പ്രായോഗികമല്ലെന്ന് വിദ്യാർത്ഥി നേതാക്കൾ അറിയിച്ചു. ജസ്റ്റിസ് രാമചന്ദ്രൻ കമ്മീഷനുമായി ഈ വിഷയത്തിൽ ചർച്ച നടത്തുമെന്നും ഇതിനു ശേഷം ഈ വിഷയത്തിൽ തീരുമാനം ഉണ്ടാകുമെന്നും മന്ത്രി ആന്റണി രാജു പറഞ്ഞു. നിലവിലെ നിരക്ക് അതേ തരത്തിൽ തുടരണമെന്നാണ് വിദ്യാർത്ഥി സംഘടനകൾ യോഗത്തിൽ ആവശ്യപ്പെട്ടത്. നിലവിലെ ഒരു രൂപ ചാർജ് രൂപയാക്കി ഉയർത്തണം എന്നാണ് ബസ് ഉടമകൾ ആവശ്യപ്പെട്ടിരുന്നത്.