സ്കൂൾ അധ്യയനം: വിദ്യാർത്ഥി സംഘടനകളുടെ യോഗം ഇന്ന്

തിരുവനന്തപുരം: സ്കൂൾ തുറക്കുന്നതുമായി ബന്ധപ്പെട്ട തയ്യാറെടുപ്പുകളുടെ ഭാഗമായി വിളിച്ചു ചേർക്കുന്ന വിദ്യാർത്ഥി സംഘടനകളുടെ യോഗം ഇന്ന് നടക്കും. ഉച്ചയ്ക്ക്ഉ 2നാണ് മന്ത്രി വി. ശിവൻകുട്ടിയുടെ നേതൃത്വത്തിൽ യോഗം ചേരുക. ഇന്ന് വൈകിട്ട് 3.30ന് തൊഴിലാളി സംഘടനകളുടെ യോഗം വിളിച്ചു ചേർത്തിട്ടുണ്ട്. വൈകുന്നേരം അഞ്ചിന് മേയർമാർ,ജില്ലാ പഞ്ചായത്ത് പ്രസിഡന്റുമാർ തുടങ്ങിയവരുടെ യോഗം ചേരും. ആറുമണിക്ക് DDE, RDD, ADE എന്നിവരുടെ യോഗമുണ്ടാകും. നാളെ
)ഒക്ടോബർ 3 ഞായറാഴ്ച) 11.30 ന് DEO മാരുടെയും AEO മാരുടെയും യോഗം നടക്കും. ഒക്ടോബർ അഞ്ചിന് ജില്ലാ കളക്ടർമാരുടെ യോഗം വിളിച്ചുചേർക്കും. ഓൺലൈനിൽ ആകും യോഗം ചേരുക. യോഗത്തിന്റെ ലിങ്ക് ബന്ധപ്പെട്ടവർക്ക് അയച്ചു കൊടുക്കുന്നതായിരിക്കും. ഈ യോഗങ്ങളിൽ ഉയരുന്ന അഭിപ്രായങ്ങളും ആശയങ്ങളുമാണ് അന്തിമ മാർഗ രേഖയിൽ ഉപയോഗിക്കുക. കഴിഞ്ഞദിവസം അധ്യാപക സംഘടനകളുമായി മന്ത്രിതല ചർച്ച നടന്നിരുന്നു.