editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
പ്രൈവറ്റ് രജിസ്ട്രേഷൻ അസൈൻമെന്റ്,പിഎച്ച്ഡി പ്രവേശനം, റിഫ്രഷർ കോഴ്സ്: കണ്ണൂർ സർവകലാശാല വാർത്തകൾTATA, HCL റിക്രൂട്ട് -ട്രെയിൻ ആൻഡ് ഡിപ്ലോയ് പ്രോഗ്രാം: പ്ലസ്ടു പാസ്സായവർക്ക് അവസരംസംസ്ഥാന സ്കൂൾ കലോത്സവം മാന്വൽ പ്രകാരം നടക്കും: പൊതുവിദ്യാഭ്യാസ ഡയറക്ടർദേശീയഉദ്യാനങ്ങൾ, വന്യജീവി സങ്കേതങ്ങൾ എന്നിവയിൽ പ്രവേശനം സൗജന്യംപരീക്ഷകൾ മാറ്റി, പരീക്ഷാഫലം, പ്രവേശനം മാറ്റി: കേരള സർവകലാശാല വാർത്തകൾഅവധി, പരീക്ഷാ ഫലങ്ങൾ, പിജി പ്രവേശനം: ഇന്നത്തെ കാലിക്കറ്റ്‌ സർവകലാശാല വാർത്തകൾപരീക്ഷകൾ മാറ്റി, യോഗ പിജി ഡിപ്ലോമ, പരീക്ഷകൾ, പരീക്ഷാഫലങ്ങൾ: എംജി സർവകലാശാല വാർത്തകൾ  ഒക്ടോബർ 2ന് കോളേജുകളിലും പരിപാടികൾ: ലഹരിമുക്ത കേരളത്തിന് വിപുലമായ ഒരുക്കങ്ങൾസംസ്കൃത സർവകലാശാലയിൽ ബിരുദ പ്രവേശനം: അവസാന തീയതി ഒക്ടോബർ 3എൻജിനിയറിങ് ഗ്രാജുവേറ്റ് അപ്രന്റീസ് ട്രെയിനിങ്: 1000ൽ അധികം ഒഴിവുകൾ

കൊല്ലം കടയ്ക്കല്‍ വൊക്കേഷണല്‍ ഹയർസെക്കൻഡറി  സ്കൂൾ ദേശീയ പുരസ്‌കാര നിറവിൽ

Published on : September 17 - 2021 | 5:43 pm

തിരുവനന്തപുരം: കേന്ദ്ര സ്പോര്‍ട്സ് യുവജനകാര്യ മന്ത്രാലയത്തിന്റെ 2019-20 വർഷത്തെ നാഷണല്‍ സര്‍വീസ് സ്കീം ദേശീയ പുരസ്കാരം പൊതു വിദ്യാഭ്യാസ വകുപ്പിലെ വിഎച്ച്എസ്ഇ എന്‍എസ്എസ് യൂണിറ്റിന്. കൊല്ലം കടയ്ക്കല്‍ വൊക്കേഷണല്‍ ഹയർസെക്കൻഡറി  സ്കൂളിനാണ് ലഭിച്ചത്. മികച്ച പ്രോഗ്രാം ഓഫീസര്‍ക്കുള്ള ദേശീയ പുരസ്കാരം ഇതേ സ്കൂളിലെ പ്രോഗ്രാം ഓഫീസറായ എസ്.അന്‍സിയക്ക് ലഭിച്ചു. 2017-2020 വരെയുള്ള കാലയളവില്‍ നിര്‍വഹിക്കപ്പെട്ട വിദ്യാര്‍ത്ഥി വിദ്യാലയ സാമൂഹ്യ ക്ഷേമ പ്രവര്‍ത്തനങ്ങളിലെ മികവാണ് സ്കൂളിനേയും ടീച്ചറേയും ദേശീയ നേട്ടത്തിന് അര്‍ഹരാക്കിയത്. സ്കൂള്‍ എന്‍.എസ്.എസ് ദത്ത് ഗ്രാമത്തില്‍ തുടര്‍ച്ചയായി 3 വര്‍ഷം നിര്‍വ്വഹിക്കപ്പെട്ട അമ്മമാര്‍ക്കുള്ള അടുക്കളത്തോട്ട നിര്‍മ്മാണം, കുടിവെള്ള ഗുണനിലവാര പരിശോധന, ആരോഗ്യ ജാഗ്രതാ ക്യാമ്പുകള്‍, നൈപുണീ വികസന പദ്ധതികള്‍ തുടങ്ങിയവ അവാര്‍ഡിന് പരിഗണിക്കപ്പെട്ടു. കടയ്ക്കല്‍ ആറ്റുപുറം യു.പി സ്കൂളില്‍ എന്‍.എസ്.എസ് ക്യാമ്പ് സംഘടിപ്പിക്കവേ തദ്ദേശവാസികളുടെ കുടിവെള്ള ക്ഷാമം പരിഹരിച്ച് ടീച്ചറും, കുട്ടികളും നിര്‍മ്മിച്ച കിണര്‍ നാട്ടുകാരുടെ പ്രശംസ നേടിയിരുന്നു. അങ്കണവാടികളുടെ സമുദ്ധാരണവുമായി ബന്ധപ്പെട്ട ശ്രേഷ്ഠബാല്യം പദ്ധതി, കടയ്ക്കല്‍ പഞ്ചായത്തിലെ 7000 വീടുകള്‍ സ്വയം നിര്‍മ്മിച്ച എല്‍.ഇ.ഡി ബള്‍ബ് വിതരണം ചെയ്ത ഉജാല യോജന പദ്ധതി , പ്രളയകാലത്തെ ക്ഷേമ പ്രവര്‍ത്തനങ്ങള്‍, സ്വച്ഛ്ഭാരത് ക്യാമ്പയിനുകള്‍ തുടങ്ങിയവ കടയ്ക്കല്‍ എന്‍.എസ്.എസ് യൂണിറ്റിന്‍റെ പ്രവര്‍ത്തന നേട്ടങ്ങളില്‍ ചിലതാണ്.

കുളത്തൂപ്പുഴ അന്‍സിയ മന്‍സിലില്‍ സലാഹുദ്ദീന്‍ ഉമയ്ബ ദമ്പതികളുടെ മകളും കടയ്ക്കല്‍ കോയിക്കലൈകത്ത് നിസാമുദ്ദീന്‍റെ പത്നിയുമായ അന്‍സിയ ടീച്ചര്‍ കടയ്ക്കല്‍ സ്കൂളില്‍ തുടര്‍ച്ചയായി 4 വര്‍ഷം എന്‍.എസ്.എസ് പ്രോഗ്രാം ഓഫീസറായിരിക്കുകയും 2018 ല്‍ മണാലിയില്‍ നടന്ന ദേശീയ സാഹസിക ക്യാമ്പിലേക്ക് കേരള വളണ്ടിയര്‍ ടീമിനെ നയിക്കുകയും ചെയ്തിട്ടുണ്ട്. സെപ്റ്റംബര്‍ 24 ന് എന്‍.എസ്.എസ് ദിനാചരണ ത്തോടനുബന്ധിച്ച് ഡല്‍ഹി രാഷ്ട്രപതി ഭവനില്‍ വച്ച് നടക്കുന്ന ചടങ്ങില്‍ മികച്ച യൂണിറ്റിനുള്ള  പുരസ്കാരം പ്രിന്‍സിപ്പല്‍ അനില്‍ റോയ് മാത്യുവും, മികച്ച പ്രോഗ്രാം ഓഫീസര്‍ക്കുള്ള പുരസ്കാരം അന്‍സിയയും ഏറ്റുവാങ്ങും.

0 Comments

Related News