തിരുവനന്തപുരം പിഎസ്സി റാങ്ക് പട്ടികയുടെ കാലാവധി നീട്ടണമെന്ന് ആവശ്യപ്പെട്ട് പ്രതിപക്ഷം നിയമസഭയിൽ അടിയന്തര പ്രമേയത്തിന് നോട്ടീസ് നൽകി. ഷാഫി പറമ്പിൽ എം എൽ എ യാണ് പിഎസ്സി റാങ്ക് പട്ടിക നീട്ടണമെന്ന് ആവശ്യപ്പെട്ട് നോട്ടീസ് നൽകിയത്. 493 റാങ്ക് പട്ടികകളുടെ കാലാവധി അവസാനിക്കുമ്പോൾ മുന്നിലുള്ളത് വലിയ നിയമന പ്രതിസന്ധിയാണെന്നും ഷാഫി പറമ്പിൽ നോട്ടീസിലൂടെ ചൂണ്ടിക്കാട്ടി. ലാസ്റ്റ് ഗ്രേഡ് സർവെന്റ് എൽ ഡി ക്ലർക്ക് തുടങ്ങിയവയാണ് ഇനി വരാനിരിക്കുന്ന പട്ടികകൾ. ഈ തസ്തികകളിലേക്കുള്ള ആദ്യഘട്ട പരീക്ഷകൾ മാത്രമാണ് പൂർത്തിയായത്.
രണ്ടാംഘട്ട പരീക്ഷകൾ സെപ്റ്റംബർ ഒക്ടോബർ മാസത്തിൽ നടക്കാനിരിക്കുകയാണ്. ഈ പരീക്ഷകൾ പൂർത്തിയാക്കി റാങ്ക് പട്ടികകൾ തയ്യാറാക്കാനുള്ള നടപടിക്രമങ്ങൾക്ക് ഏറെ കാലതാമസമെടുക്കും. ഇതുകൊണ്ടു തന്നെ വലിയൊരു കാലയളവിൽ അപ്രഖ്യാപിത നിയമന നിരോധനം പോലുള്ള ഒരു സാഹചര്യത്തിലേക്ക് കേരളം പോകുമെന്നും പ്രണയത്തിൽ ചൂണ്ടിക്കാട്ടുന്നു.
ഇത് രണ്ടാം തവണയാണ് പ്രതിപക്ഷം റാങ്ക് പട്ടികയുടെ കാലാവധി നീട്ടണമെന്ന നിയമസഭയിൽ പ്രമേയത്തിനുള്ള നോട്ടീസിലൂടെ ആവശ്യപ്പെടുന്നത്.