സംസ്ഥാനത്തെ സ്കൂളുകളിൽ വിദ്യാർത്ഥികളുടെ കൊഴിഞ്ഞുപോക്ക് കുറയുന്നു

തിരുവനന്തപുരം: സംസ്ഥാനത്തെ സ്കൂളുകളിൽ വിദ്യാർത്ഥികളുടെ കൊഴിഞ്ഞുപോകൽ നിരക്ക് കുറയുന്നതായി സാമ്പത്തീക അവലോകന റിപ്പോർട്ട്‌. 2019-20 കാലഘട്ടത്തിൽ 0.11% മാത്രമാണ് കൊഴിഞ്ഞു പോയ വിദ്യാർത്ഥികളുടെ നിരക്ക്. 2016-17 കാലഘട്ടത്തിൽ ഇത് 0.22% ആയിരുന്നു. ഇന്ത്യയിൽ കൊഴിഞ്ഞുപോക്ക് ഏറ്റവും കുറഞ്ഞ സംസ്ഥാനങ്ങളിൽ ഒന്നാണ് നിലവിൽ കേരളം. പട്ടിക ജാതി-പട്ടിക വർഗ വിഭാഗങ്ങളിലെ വിദ്യാർത്ഥികളുടെ കൊഴിഞ്ഞുപോക്ക് കുറഞ്ഞു വരുന്നതായും സാമ്പത്തീക അവലോകന റിപ്പോർട്ടിലുണ്ട്. എൽ.പി, ഹൈസ്കൂൾ വിഭാഗങ്ങളിലാണ് കൊഴിഞ്ഞുപോക്ക് കൂടുതൽ. എൽ.പി വിഭാഗത്തിൽ ഇടുക്കിയും യു.പി, ഹൈസ്കൂൾ വിഭാഗത്തിൽ വയനാട് ജില്ലയിലുമാണ് കൊഴിഞ്ഞു പോകുന്ന വിദ്യാർത്ഥികളുടെ എണ്ണം കൂടുതൽ.