കേരളത്തിന്റെ പൊതുവിദ്യാഭ്യാസ രംഗത്ത് നടക്കുന്നത് സമാനതകളില്ലാത്ത വികസനം: മുഖ്യമന്ത്രി

തിരുവനന്തപുരം: നാടിന്റെ ചരിത്രത്തിലെ സമാനതകളില്ലാത്ത വികസനമാണ് പൊതുവിദ്യാഭ്യാസ രംഗത്ത് നടക്കുന്നതെന്ന് മുഖ്യമന്ത്രി പിണറായി വിജയൻ. പുതുതായി നിർമിച്ച 46 സ്കൂൾ കെട്ടിടങ്ങളുടെ ഉദ്ഘാടനവും 79 സ്കൂൾ കെട്ടിടങ്ങളുടെ ശിലാസ്ഥാപനവും ഓൺലൈൻ വഴി നിർവഹിക്കുകയായിരുന്നു അദ്ദേഹം. ഒരേ സമയം ഇത്രയധികം സ്കൂളുകൾക്ക് പുതിയ കെട്ടിടങ്ങൾ നിർമിച്ച അനുഭവം മുൻപ് ഒരുകാലത്തും ഉണ്ടായിട്ടില്ല. മുൻപൊന്നും സങ്കൽപ്പിക്കാൻ കഴിയാത്തതാണ് പൊതുവിദ്യാഭ്യാസ രംഗത്തുണ്ടായ മാറ്റമെന്നും മുഖ്യമന്ത്രി ചൂണ്ടിക്കാട്ടി. കഴിഞ്ഞ മാസം 124 സ്കൂൾ കെട്ടിടങ്ങളുടെ ഉദ്ഘാടനവും 54കെട്ടിടങ്ങളുടെ ശിലാസ്ഥാപനവും നടന്നിരുന്നതായും മുഖ്യമന്ത്രി ഓർമിപ്പിച്ചു.

വിദ്യാഭ്യാസ മേഖലയിൽ ഉണ്ടാകുന്ന വലിയ കുതിച്ചു ചാട്ടത്തിന്റെ തെളിവുകളാണ് പുതിയ കെട്ടിടങ്ങൾ എന്നും മുഖ്യമന്ത്രി പറഞ്ഞു. ചടങ്ങിൽ വിദ്യാഭ്യാസ മന്ത്രി സി. രവീന്ദ്രനാഥ്‌ അധ്യക്ഷനായി. ചടങ്ങിൽ ധനകാര്യ വകുപ്പ് മന്ത്രി തോമസ് ഐസക് മന്ത്രിമാരായ പി. തിലോത്തമൻ, രാമചന്ദ്രൻ കടന്നപ്പള്ളി, വി.എസ് സുനികുമാർ തുടങ്ങിയവർ പങ്കെടുത്തു. സംസ്ഥാന സർക്കാർ പ്രഖ്യാപിച്ച 100 ദിന കർമപദ്ധതിയുടെ ഭാഗമായാണ് 46 വിദ്യാലയങ്ങൾക്ക് പുതിയ കെട്ടിടങ്ങൾ ഒരുങ്ങിയത്. കിഫ്ബിയുടെ 5 കോടി ധനസഹായത്തോടെ 6 സ്കൂൾ കെട്ടിടങ്ങളും, 3 കോടി ധനസഹായത്തോടെ പുതിയ 6 സ്കൂളുകളും നബാർഡ്, സമഗ്ര ശിക്ഷാകേരളം, പ്ലാൻ ഫണ്ടുകൾ എന്നിവ പ്രയോജനപ്പെടുത്തിയാണ് മറ്റു 34 സ്കൂളുകൾക്കുള്ള കെട്ടിടങ്ങളും l ഒരുക്കിയത്. പുതുതായി 79 സ്കൂൾക്ക് കെട്ടിടങ്ങളുടെ നിർമിക്കുണ്ട്. സംസ്ഥാനത്തെ പൊതു വിദ്യാലയങ്ങളിലെ 45000 ക്ലാസ് റൂമുകൾ ഇതിനോടകം ഹൈടെക് ആയിക്കഴിഞ്ഞു.