തിരുവനന്തപുരംഃ യുവാക്കള്‍ക്ക് ആവശ്യമായ ശാസ്ത്രീയവും ഭരണഘടനപരവുമായ വിവിധ അറിവും പരിശീലനങ്ങളുമാണ് യൂത്ത് ലീഡർഷിപ്പ് അക്കാദമിവഴി ലഭ്യമാകുക. യൂത്ത് ലീഡർഷിപ്പ് അക്കാദമിയുടെ ഉദ്ഘാടനം ഇന്ന് വൈകിട്ട് 5.30ന് മുഖ്യമന്ത്രി പിണറായി വിജയൻ ഓൺലൈനിൽ നിര്‍വഹിക്കും. ഉദ്ഘാടന ചടങ്ങിൽ സിനിമാതാരം കമൽഹാസൻ പങ്കെടുക്കും. ചീഫ് സെക്രട്ടറി ബിശ്വാസ് മേത്ത സ്വാഗതം പറയുന്ന ചടങ്ങിൽ പ്രിൻസിപ്പൽ സെക്രട്ടറി കെ ആർ ജ്യോതിലാൽ പദ്ധതിയുടെ ആമുഖം അവതരിപ്പിക്കും. യൂത്ത് ലീഡർഷിപ്പ് അക്കാദമി സ്‌പെഷ്യൽ ഓഫീസർ അമിത് മീണ ചടങ്ങിൽ പങ്കെടുക്കും.