കോവിഡ് വ്യാപനം: സിലബസ് വെട്ടിച്ചുരുക്കി സിബിഎസ്ഇ

ന്യൂഡൽഹി: രാജ്യത്തെ കോവിഡ് വ്യാപന പശ്ചാത്തലത്തിൽ 9 മുതൽ പ്ലസ്ടു വരെയുള്ള ക്ലാസുകളിലെ സിലബസ് വെട്ടിച്ചുരുക്കാൻ സിബിഎസ്ഇ തീരുമാനിച്ചു. നിലവിലെ സിലബസിന്റെ 30 ശതമാനം വരെ കുറയ്ക്കാനാണ് തീരുമാനമെന്നു കേന്ദ്രമാനവ വിഭവശേഷി വികസന മന്ത്രി രമേഷ് പൊഖ്രിയാൽ നിഷാങ്ക് അറിയിച്ചു.
2021ലെ പരീക്ഷകൾ പുതിയ സിലബസ് പ്രകാരമാണ് നടക്കുക. ചുരുക്കിയ പാഠ്യപദ്ധതി ഉടൻ പ്രസിദ്ധീകരിക്കുമെന്ന് സിബിഎസ് അധികൃതർ അറിയിച്ചു.