തിരുവനന്തപുരം: തട്ടത്തുമല ഗവ. ഹയര്‍ സെക്കന്‍ഡറി സ്കൂള്‍ ഈ ലോക്ക്ഡൗണ്‍ കാലത്ത് മാതൃകാപരമായ പ്രവര്‍ത്തനമാണ് നടത്തുന്നതെന്ന് മുഖ്യമന്ത്രി പിണറായി വിജയൻ. \’മിഴി\’ എന്ന പേരില്‍ ഈ സ്കൂൾ ഒരു യുട്യൂബ് ചാനല്‍ ആരംഭിക്കുകയും ഈ ചാനല്‍ വഴി ഏപ്രില്‍ 22 മുതല്‍ 30 വരെ മിഴിപ്പൂരം എന്ന പേരില്‍ കുട്ടികളുടെ കലോത്സവം ഓണ്‍ലൈനായി സംഘടിപ്പിക്കുകയും ചെയ്തു. ഇത് മാതൃകാപരമാണ്. കുട്ടികള്‍ വീട്ടിലിരുന്ന് പരിപാടികള്‍ മൊബൈലില്‍ റെക്കോഡ് ചെയ്ത് വാട്സാപ്പില്‍ അയച്ചുകൊടുക്കുകയും സ്കൂളിലെ പൂര്‍വവിദ്യാര്‍ത്ഥി സംഘടനയായ പാസ്റ്റിന്‍റെ പ്രവര്‍ത്തകര്‍ ഈ വീഡിയോകള്‍ യുട്യൂബ് ചാനലില്‍ അപ്ലോഡ് ചെയ്യുകയുമാണ് ചെയ്തത്. ഈ രീതിയില്‍ രക്ഷിതാക്കളുടെയും പൂര്‍വവിദ്യാര്‍ത്ഥികളുടെയും കലോത്സവവും നടത്തി. അറുനൂറോളം വീഡിയോകളാണ് ഈ യൂട്യൂബ് ചാനലില്‍ അപ്ലോഡ് ചെയ്തത്. എല്ലാ ലോക്ക്ഡൗണ്‍ നിബന്ധനകളും പാലിച്ച് സ്വന്തം വീട്ടിലിരുന്നുകൊണ്ടുതന്നെ സ്കൂളില്‍ സംഘടിപ്പിച്ച ഈ ഓണ്‍ലൈന്‍ കലോത്സവം സംസ്ഥാനത്തെ പൊതുവിദ്യാലയങ്ങള്‍ക്കാകെ മാതൃകയാണ്. തട്ടത്തുമല ഗവ. ഹയര്‍ സെക്കന്‍ഡറി സ്കൂളിനെ അഭിനന്ദിക്കുന്നുവെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു.
കുട്ടികളുടെ പാട്ടും കഥയും കവിതയും പരീക്ഷണങ്ങളുമൊക്കെ ചിത്രീകരിച്ച വീഡിയോകളാണ് ഈ ചാനലിന്റെ വിഭവങ്ങൾ. ഓരോ കുട്ടിയും സ്വന്തം വീട്ടിലിരുന്ന് കലാപ്രകടനം മൊബൈൽ ഫോണിൽ ഷൂട്ട് ചെയ്ത് വീഡിയോ വാട്സാപ്പിൽ അയച്ചുകൊടുക്കുകയായിരുന്നു. നൂറിലധികം വീഡിയോകൾ ഇതിനകം ഈ ചാനലിൽ അപ് ലോഡ് ചെയ്തിട്ടുണ്ട്. പ്രൈമറി മുതൽ ഹയർ സെക്കൻഡറി വരെയുള്ള കുട്ടികൾ ഈ ചാനലിൽ സ്വന്തം കലാസൃഷ്ടി അവതരിപ്പിക്കുന്നു.
![\"\"](\"https://schoolvartha.com/wp-content/uploads/2020/04/Pathanjali-ad-8x6-01.jpg\")
