പ്രധാന വാർത്തകൾ
മാർച്ച് 18 മുതൽ 22വരെ ചിലങ്ക ശാസ്ത്രീയ നൃത്തോത്സവം: അപേക്ഷ 5വരെഹിന്ദി, ഗണിത അധ്യാപക നിയമനം, സിസ്റ്റം ഡാറ്റാബേസ് ഓപ്പറേഷൻസ് എൻജിനിയർ: തൊഴിൽ വാർത്തകൾകെ-ടെറ്റ് പരീക്ഷാ ഫലം, കിറ്റ്സിൽ ട്രാവൽ ആൻഡ് ടൂറിസം എംബിഎ പ്രവേശനംമലപ്പുറം കോട്ടൂർ സ്കൂളിൽ വ്യായാമത്തിന് ഓപ്പൺ ജിംനേഷ്യംപൊതുവിദ്യാഭ്യാസ ഡയറക്ടറേറ്റിൽ കെട്ടിക്കിടക്കുന്ന ഫയലുകൾ മാർച്ച് 31നകം തീർപ്പാക്കാൻ നിർദേശംഎസ്എസ്എൽസി പരീക്ഷ: ഈ വർഷം ഏറ്റവും അധികം പേർ ഇംഗ്ലീഷ് മീഡിയത്തിൽഹയർ സെക്കന്ററി മൂല്യനിർണ്ണയം വേഗം പൂർത്തിയാക്കും: പരീക്ഷാഫലം മെയ് രണ്ടാംവാരംഹയർസെക്കൻഡറി പരീക്ഷ:ചോദ്യപേപ്പറുകൾ കർശന സുരക്ഷാ സംവിധാനത്തിൽലോട്ടറി ക്ഷേമനിധി ബോർഡ് വിദ്യാഭ്യാസ സ്‌കോളർഷിപ്പ്പൾസ് പോളിയോ ഇമ്മ്യൂണൈസേഷൻ മാർച്ച് 3ന്: ആകെ 23,471 ബൂത്തുകൾ

നാലര വർഷമായി ശമ്പളമില്ല: നിയമനാംഗീകാരമില്ലാത്ത അധ്യാപകർ ലോക് ഡൗണിൽ ദുരിതത്തിൽ

Mar 31, 2020 at 10:23 pm

Follow us on

തിരുവനന്തപുരം: നാലരവർഷമായി ശമ്പളമില്ലാതെ ജോലിചെയ്യുന്ന നാലായിരത്തി അഞ്ഞൂറോളം എയ്ഡഡ് സ്കൂൾ അധ്യാപകരാണ് ലോക്ഡൗണിൽ ദുരിതമനുഭവിക്കുന്നത്. വിരമിച്ചവരുടെയും ദീർഘഅവധിയിൽ പ്രവേശിച്ചവരുടെയും ഒഴിവുകളിൽ ജോലിക്കു കയറിയവരും അഡിഷണൽ തസ്തികയിൽ ജോലിയിൽ പ്രവേശിച്ചവരുമായ അധ്യാപകരാണിവർ. യോഗ്യതകൾ എല്ലാം പാലിച്ചാണ് ജോലിയിൽ പ്രവേശിച്ചത്. എന്നാൽ ഇവരുടെ നിയമനങ്ങൾക്ക് ഇതുവരെ സർക്കാർ അംഗീകാരം ലഭ്യമാകാത്തതാണ് പ്രതിസന്ധിക്ക് കാരണമായത്. ശമ്പളം ലഭിക്കാഞ്ഞിട്ടും ഇവർ കഴിഞ്ഞ നാലു വർഷത്തിൽ ഏറെയായി സ്കൂളുകളിൽ ജോലി എടുത്തുവരികയാണ്. ട്യൂഷൻ എടുത്തും മറ്റു പാർട്ട് ടൈം ജോലികൾ ചെയ്തുമാണ് പലരും ഉപജീവനം നടത്തുന്നത്. കോവിഡ് 19 നെ തുടർന്നുണ്ടായ ലോക് ഡൗണിൽ ഇവർ വരുമാനമില്ലാതെ വട്ടംകറങ്ങുകയാണ്. പലരുടെയും ജീവിതം പ്രതിസന്ധിയിലായിക്കഴിഞ്ഞു. ഈ ദുരവസ്ഥ ചൂണ്ടിക്കാട്ടി ഒരു അദ്ധ്യാപിക മുഖ്യമന്ത്രിക്ക് കത്തയച്ചിട്ടുണ്ട്. കത്തിലെ ഉള്ളടക്കം ഇങ്ങനെയാണ്:

\"\"

\’\’ സാർ… നമ്മുടെ രാജ്യം വളരെ പ്രധാനപ്പെട്ട ഒരു അവസ്ഥയിലൂടെ കടന്ന് പോവുകയാണെന്നറിയാം. കുറച്ച്‌ ദിവസങ്ങളായി നമ്മുടെ സംസ്ഥാനവും കഴിഞ്ഞ ദിവസം രാജ്യം പൂർണ്ണമായും അടച്ചു പൂട്ടിയ അവസ്ഥയിലാണ്‌.
രാജ്യത്ത്‌ പ്രയാസപ്പെടുന്ന നിരവധി ആളുകളുണ്ട്‌. ഞാനിതെഴുതുന്നത്‌ ഈ അവസ്ഥയിൽ എയ്‌ഡഡ്‌ അധ്യാപകരുടെ അവസ്ഥ കൂടി പരിഗണിക്കണം എന്ന അപേക്ഷയുമായാണ്‌.
4000 ത്തോളം അധ്യാപകർ എയ്‌ഡഡ്‌ മേഖലയിൽ ഉണ്ടെന്നറിയുന്നു. ഇനി വരുന്ന ദിവസങ്ങൾ രാജ്യത്തിന്‌ മുഴുവനുമെന്ന പോലെ ഞങ്ങൾ എയ്ഡഡ്‌ അധ്യാപകർക്കും പ്രധാനപ്പെട്ട കാലമാണ്‌. പലരും സ്‌കൂൾ സമയങ്ങൾക്ക്‌ ശേഷം മറ്റു പല ജോലികളും ചെയ്താണ്‌ നിത്യവൃത്തിക്കുള്ള പണം കണ്ടെത്തുന്നത്‌. ഇപ്പോൾ നിത്യവൃത്തിക്കുള്ള പണം കണ്ടെത്താനുള്ള സാധ്യതകൾ ദൂരെയാണ്‌.
നാല്‌ വർഷത്തോളമായി അംഗീകാരം ലഭിക്കാത്ത, ജോലി ചെയ്തുകൊണ്ടേയിരിക്കുന്ന അധ്യാപകരാണ്‌ മിക്കവരും.

സർ.. ദിവസവേതനക്കാരുടെ കാര്യത്തിൽ അങ്ങ്‌ കൈകൊണ്ട അനുഭാവപൂർണ്ണമായ സമീപനം ഞങ്ങളുടെ കാര്യത്തിലും ഉണ്ടാവണമെന്നപേക്ഷിക്കുന്നു. ഇങ്ങനെയാണ് കത്ത് അവസാനിക്കുന്നത്… അതിഥി സംസ്ഥാന തൊഴിലാളികൾക്ക് പോലും ക്ഷേമകാര്യങ്ങൾ ചെയ്യുന്ന സർക്കാർ ഇത്രയും അധ്യാപകരുടെ അവസ്ഥ കാണാതെ പോകരുതെന്നാണ് \’സ്കൂൾ വാർത്ത\’യുടെ അഭ്യർത്ഥന.

Follow us on

Related News