തിരുവനന്തപുരം: വയനാട് പൂക്കോടുള്ള കേരള വെറ്ററിനറി ആൻഡ് അനിമൽ സയൻസസ് സർവകലാശാലയിൽ അസിസ്റ്റന്റ് പ്രഫസർ തസ്തികയിലെ നിയമനത്തിന് ഇപ്പോൾ അപേക്ഷിക്കാം. വിവിധ വകുപ്പുകളിലായി 94 ഒഴിവുകളുണ്ട്. ഫാക്കൽറ്റി ഓഫ് വെറ്ററിനറി ആൻഡ് അനിമൽ സയൻസസിന് കീഴിലെ വിവിധ വകുപ്പുകളിലായി 46 ഒഴിവുകളും ഡെയറി സയൻസ് ഫാക്കൽറ്റിക്ക് കീഴിലെ വിവിധ വകുപ്പുകളിലായി 48 ഒഴിവുകളുമാണ് ഉള്ളത്. വെറ്ററിനറി-ഫിസിയോളജി, ബയോകെമിസ്ട്രി, ഫാർമക്കോളജി ആൻഡ് ടോക്സിക്കോളജി, പാരസൈറ്റോളജി, മൈക്രോബയോളജി, പബ്ലിക് ഹെൽത്ത് അനിമൽ ജനിറ്റിക്സ് ആൻഡ് ബ്രീഡിങ്, ലൈവ്സ്റ്റോക്ക് പ്രൊഡക്ഷൻ മാനേജ്മെന്റ്, ലൈവ് സ്റ്റോക്ക് പ്രൊഡക്ട്സ് ടെക്നോളജി, വെറ്ററിനറി സർജറി ആൻഡ് റേഡിയോളജി, പോൾട്രി സയൻസ്, സ്റ്റാറ്റിസ്റ്റിക്സ്, ഡെയറി ടെക്നോളജി, ഡെയറി കെമിസ്ട്രി, ഡെയറി എൻജിനീയറിങ്, ഡെയറി ബിസിനസ് മാനേജ്മെന്റ് മുതലായ പഠന വകുപ്പുകളിലാണ് നിയമനം. 57,700 രൂപ മുതൽ 1,82,700 രൂപ വരെയാണ് ശമ്പളം. ബാക്ക് ലോഗ് ഒഴിവുകളിലേക്ക് പ്രത്യേക വിജ്ഞാപനമാണ്. ഉദ്യോഗാർഥികൾക്ക് യു.ജി.സി മാനദണ്ഡപ്രകാരമുള്ള യോഗ്യതകൾ വേണം. പ്രായപരിധി 50 വയസ്. മലയാള ഭാഷാ പരിജ്ഞാനം നിർബന്ധമാണ്. 2000 രൂപയാണ്എ അപേക്ഷ ഫീസ്.എസ്.സി/എസ്.ടി വിഭാഗത്തിന് 750 രൂപ. ഫിനാൻസ് ഓഫിസർ, കെ.വി.എ.എസ്.യു, പൂക്കോടിന് എസ്.ബി.ഐ കൽപറ്റ ബ്രാഞ്ചിൽ മാറ്റാവുന്ന ഡിമാൻഡ് ഡ്രാഫ്റ്റായി അപേക്ഷയോടൊപ്പം നൽകണം.
അപേക്ഷ ദി രജിസ്ട്രാർ, കേരള വെറ്ററിനറി ആൻഡ് അനിമൽ സയൻസസ് യൂനിവേഴ്സിറ്റി, പൂക്കോട്, ലക്കിടി, വയനാട് 673576 എന്ന വിലാസത്തിൽ അയക്കാം. അപേക്ഷ നൽകേണ്ട അവസാന തീയതി 2015 ഫെബ്രുവരി 3ആണ്. വിശദ വിവരങ്ങളടങ്ങിയ വിജ്ഞാപനവും അപേക്ഷാ ഫോമും http://kvasu.ac.in ൽ ലഭ്യമാണ്.
സ്കൂൾ തലത്തിൽ 5 ലക്ഷം രൂപ സമ്മാനവുമായി ചീഫ് മിനിസ്റ്റേഴ്സ് മെഗാ ക്വിസ്: വിശദ വിവരങ്ങൾ ഇതാ
തിരുവനന്തപുരം:കേരളത്തിന്റെ സാമൂഹിക പുരോഗതിയുടെ ചരിത്രത്തെ ആസ്പദമാക്കി വിദ്യാർത്ഥികൾക്കായി...
