ഏഴിമല നേവൽ ചിൽഡ്രൻ സ്കൂളിൽ വിവിധ ഒഴിവുകൾ: ലൈബ്രേറിയൻ മുതൽ പ്രധാനാധ്യാപകൻ വരെ

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/JuuEU6443gVHL3cmafwn8g

തിരുവനന്തപുരം: നേവി എജുക്കേഷൻ സൊസൈറ്റിയുടെ കീഴിലുള്ള ഏഴിമല നേവൽ ചിൽഡ്രൻ സ്കൂളിലേക്ക് (എട്ടാം ക്ലാസ് വരെ സിബിഎസിഇ സിലബസ് പ്രകാരം പ്രവർത്തിക്കുന്ന സ്കൂളാണിത്) വിവിധ തസ്തികകളിലെ കരാർ നിയമനത്തിന് ഇപ്പോൾ അപേക്ഷിക്കാം.

പ്രധാന അധ്യാപകൻ /അധ്യാപിക
ഏതെങ്കിലും കോർ വിഷയത്തിൽ 60
ശതമാനം മാർക്കോടെ റെഗുലർ മാസ്റ്റേഴ്സ് ബിരുദവും 50 ശതമാനം മാർക്കോടെ ബി.എഡുമാണ് യോഗ്യത. ഏതെങ്കിലും സ്കൂളിൽ മേധാവിയായി മൂന്നു വർഷത്തെ പരിചയം അല്ലെങ്കിൽ, 10 വർഷത്തെ അധ്യാപനപരിചയവും ഉണ്ടായിരിക്കണം. 35 മുതൽ 45വരെയാണ് പ്രായപരിധി.

അധ്യാപകൻ
(കമ്പ്യൂട്ടർ സയൻസ്)
ഈ തസ്തികയിലേക്ക് കമ്പ്യൂട്ടർ സയൻസ് ബിരുദമാണ് യോഗ്യത. 40 വയസ്സാണ് പ്രായപരിധി.

അധ്യാപകർ
(മാത്സ്, ഹിന്ദി, ഇംഗ്ലീഷ്, എസ്.എസ്.ടി ആൻഡ് സംസ്കൃതം) കോർവിഷയങ്ങളിൽ 60 ശതമാനം മാർക്കോടെ റെഗുലർ ബിരുദവും
50 ശതമാനം മാർക്കോടെ ബി.എഡുമാണ് യോഗ്യത. അധ്യാപനപരിചയമുള്ളവർക്ക് മുൻഗണനയുണ്ട്. പ്രായം 40ൽ താഴെ മാത്രം.

ഫിസിക്കൽ എജുക്കേഷൻ ടീച്ചർ
PoPEdഉം രണ്ടു വർഷത്തെ പ്രവർത്തി പരിചയവുമാണ് യോഗ്യത. പ്രായം 40 വയസുവരെ.

പാർട്ട്ടൈം അധ്യാപിക (മ്യൂസിക്, ഡാൻസ്)
പ്രസ്തുത വിഷയത്തിൽ ബിരുദവും രണ്ടു വർഷത്തെ പരിചയവും ആവശ്യമാണ്. പ്രായം 40ന് താഴെ.

കൗൺസിലർ
സൈക്കോളജി ബിരുദവും രണ്ടു വർഷത്തെ പ്രവർത്തി പരിചയവുമാണ് യോഗ്യത. പ്രായം 40ന് താഴെ.

ലൈബ്രേറിയൻ
ലൈബ്രറി സയൻസ് ബിരുദവും രണ്ടു വർഷത്തെ പ്രവർത്തി പരിചയവും ആവശ്യമാണ്. പ്രായം 40വയസ്.
യോഗ്യത തെളിയിക്കുന്ന സർട്ടിഫിക്കറ്റുകളുടെ പകർപ്പുകളും അപേക്ഷയും
The Director, Navy Children School, Indian
Naval Academy (PO) Ezhimala-6703010
എന്ന വിലാസത്തിൽ ജനുവരി 18നകം
ലഭിക്കണം. navalschoolezhimala@gmail.com എന്ന ഇ-മെയിൽ വഴിയും അപേക്ഷകൾ അയക്കാം.