എട്ടാം ക്ലാസിലും ബെല്ലടിച്ചു: ഇനി 9,11 ക്ലാസുകൾ

JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP

തിരുവനന്തപുരം: സംസ്ഥാനത്തെ സ്കൂളുകളിൽ എട്ടാംക്ലാസ് പഠനം പുനരാരംഭിച്ചു. ആദ്യഘട്ടത്തിൽ ക്ലാസ്സിൽ മൂന്നിലൊന്ന് കുട്ടികളെ മാത്രമാണ് അനുവദിക്കുന്നത്. മറ്റു കുട്ടികൾക്കായി അടുത്തദിവസങ്ങളിൽ ക്ലാസുകൾ ക്രമീകരിച്ചിട്ടുണ്ട്. ക്ലാസിൽ എത്താത്ത കുട്ടികൾക്ക് വീട്ടിൽ ഓൺലൈൻ പഠനം തുടരാം. ഇനി സ്കൂളുകളിൽ 9, പ്ലസ് വൺ ക്ലാസുകൾ ആണ് ആരംഭിക്കാനുള്ളത്.

ഈ മാസം 15 മുതൽ 9,15 ക്ലാസുകൾ ആരംഭിക്കും. ഇതോടെ മുഴുവൻ ക്ലാസുകളിലും പഠനം നടക്കുന്ന സംസ്ഥാനമായി കേരളം മാറും. നവംബർ 15 മുതലാണ് എട്ടാം ക്ലാസുകൾ ആരംഭിക്കാൻ നേരത്തെ നിശ്ചയിച്ചിരുന്നതെങ്കിലും
നാഷണൽ അച്ചീവ്മെന്റ് സർവേ 12ന് നടക്കുന്ന പശ്ചാത്തലത്തിലാണ് നേരത്തെ തുടങ്ങിയത്. 19 മാസത്തെ ഇടവേളയ്ക്ക് ശേഷം നവംബർ 1 നാണ് സ്കൂളുകൾ തുറന്നത്. ഒന്ന്‌ മുതൽ ഏഴു വരേയും 10,12 ക്ലാസുകളുമാണ് കേരളപ്പിറവിദിനത്തിൽ ആരംഭിച്ചിരുന്നത്.