എസ്എസ്എൽസി പരീക്ഷയുടെ ഉത്തരക്കടലാസ് മൂല്യനിർണയത്തിന് എക്സാമിനർമാരെ നിയമിക്കുന്നത് സംബന്ധിച്ച നിർദ്ദേശങ്ങൾ

തിരുവനന്തപുരം: ഈ വർഷത്തെ എസ്എസ്എൽസി പരീക്ഷയുടെ ഉത്തരക്കടലാസ് മൂല്യനിർണയത്തിന് എക്സാമിനർമാരെ നിയമിക്കുന്നത് സംബന്ധിച്ച് ജില്ലാ വിദ്യാഭ്യാസ ഓഫീസർമാർക്കുള്ള നിർദ്ദേശങ്ങൾ പുറത്തിറക്കി. അതത് സ്കൂളുകളിലെ യോഗ്യരായ മുഴുവൻ എച്ച്എസ്ടിമാരുടെയും അപേക്ഷ സ്വീകരിച്ച് ഓൺലൈൻ എൻട്രി നടത്തി എന്ന് പ്രധാന അധ്യാപകർ ഉറപ്പു വരുത്തണം. അപേക്ഷകൾ ഓൺലൈൻ എൻട്രി നടത്താത്ത പ്രധാന അധ്യാപകർക്കെതിരെ നടപടി സ്വീകരിക്കും. മൂല്യനിർണയം നടത്തുന്നതിന് അഡീഷണൽ ചീഫ് എക്‌സാമിനേഴ്‌സ്, അസിസ്റ്റന്റ് എക്‌സാമിനേഴ്‌സ് എന്നീ ചുമതലകൾക്കായി അതത് മേഖലകളിൽ അപേക്ഷിക്കുന്നതിനു മാർച്ച്‌ 16 വരെയാണ് സമയം.