എപിജെ അബ്ദുൽ കലാം ദിനം: വിദ്യാർത്ഥികൾക്കായി വിവിധ പരിപാടികൾ

കൊച്ചി: മുൻരാഷ്‌ട്രപതി എപിജെ അബ്ദുൽകലാമിന്റെ ആറാം ചരമ വാർഷികത്തോട് അനുബന്ധിച്ച് സാങ്കേതിക സർവകലാശാല നാഷണൽ സർവീസ് സ്കീമിന്റെ നേതൃത്വത്തിൽ അനുസ്മരണ സമ്മേളനം നടന്നു. ഓൺലൈൻ വഴി സംഘടിപ്പിച്ച പരിപാടി ഐഎസ്ആർഒ മുൻ ചെയർമാൻ ഡോ. ജി മാധവൻ നായർ ഉദ്ഘാടനം ചെയ്തു.

കേരളത്തിലെ വിവിധ എഞ്ചിനീയറിങ്
കോളജുകളിൽ നിന്നള്ള വിദ്യാർഥികൾ പങ്കെടുത്തു. അനുസ്മരണത്തിന്റെ ഭാഗമായി ഹയർ സെക്കൻഡറി വിദ്യാർഥികൾക്കായി സംസ്ഥാനതല ക്വിസ് മത്സരവും എൻജിനീയറിങ്
വിദ്യാർത്ഥികൾക്കായി ഡോക്ടർ കലാമിന്റെ സാങ്കേതിക രംഗത്തെ സംഭാവനകളെ കുറിച്ചുള്ള പ്രബന്ധാവതരണ മത്സരവും നടന്നു.

സർവകലാശാല നാഷണൽ സർവീസ് സ്കീം സെൽ പ്രോഗ്രാം കോർഡിനേറ്റർ ഡോക്ടർ ജോയ് വർഗീസ് റീജണൽ കോഡിനേറ്റർ ഡോക്ടർ പി.യു.സുനീഷ് എന്നിവർ പരിപാടികൾക്ക് നേതൃത്വം നൽകി.