തിരുവനന്തപുരം:പ്രൈമറിഅധ്യാപകർക്കുള്ള യോഗ്യത കോഴ്സായ ഡിഎൽഎഡിന് (Diploma in Elementary Education) അപേക്ഷ സമർപ്പിക്കാനുള്ള സമയപരിധി 11 അവസാനിക്കും. കേരളത്തിലെ 101 സർക്കാർ/എയ്ഡഡ്, 101 സ്വാശ്രയ, ടീച്ചർ ട്രെയിനിങ് ഇൻസ്റ്റിറ്റ്യൂട്ടുകളിൽ (ടിടിഐകൾ) നടത്തുന്ന രണ്ടുവർഷത്തെ (നാല് സെമസ്റ്റർ) ഡിപ്ലോമ ഇൻ എലമെന്ററി എജുക്കേഷൻ (ഡിഎൽഎഡ്) പ്രോഗ്രാം പ്രവേശനത്തിനത്തിനാണ് അവസരം. വിദ്യാർത്ഥികൾക്ക് ഓഗസ്റ്റ് 11നു വൈകിട്ട് 5 വരെ അപേക്ഷ സമർപ്പിക്കാം. അപേക്ഷാ ഫോമും വിശദ വിവരങ്ങളും http://education.kerala.gov.in വഴി ലഭിക്കും. അപേക്ഷകർ 50ശതമാനം മാർക്കോടെ 3 ചാൻസിനകം പ്ലസ്ടു വിജയിച്ചിരിക്കണം. ഒന്നിലേറെ ജില്ലകളിൽ അപേക്ഷിക്കാൻ കഴിയില്ല. മാനേജ്മെന്റ്/ ന്യൂനപക്ഷ സ്ഥാപനങ്ങളിലെ മെറിറ്റ് സീറ്റുകളിലേക്ക് മാനേജർക്ക് അപേക്ഷ നൽകി കോപ്പി ഉപഡയറക്ടർക്കു നൽകണം. ഇതിനുപുറമെ സ്വാശ്രയസ്കൂളു കളിലേക്കു മറ്റൊരു അപേക്ഷയും നൽകാം. കൂടുതൽ വിവരങ്ങൾ വെബ്സൈറ്റിൽ ലഭ്യമാണ്.
