പ്രധാന വാർത്തകൾ
പ്ലസ് ടു സേ പരീക്ഷാഫലം ഇന്ന് പ്രസിദ്ധീകരിക്കുമെന്ന് സൂചനKEAM2025 പുതിയ റാങ്ക്​ ലിസ്റ്റ് പ്രസിദ്ധീകരിച്ചു; ഒന്നാം റാങ്കുകാരൻ ഏഴാമതും അഞ്ചാം റാങ്കുകാരൻ ഒന്നാമതുമായിKEAM 2025: പഴയ രീതിയിൽ പുതുക്കിയ റാങ്ക് ലിസ്റ്റ് ഉടൻ ലിറ്റിൽ കൈറ്റ്‌സ് അഭിരുചി പരീക്ഷാഫലം: പുതിയ ബാച്ചിൽ 70827 വിദ്യാർത്ഥികൾമതം രേഖപ്പെടുത്താത്ത കൂട്ടികൾ നാളെയുടെ വാഗ്ദാനങ്ങൾ: ജസ്റ്റിസ് വി.ജി.അരുൺസ്കൂൾ സമയമാറ്റം പുന:പരിശോധിക്കില്ല: സമസ്തയുടെ സമരം ജനാധിപത്യ വിരുദ്ധമെന്ന് വി.ശിവന്‍കുട്ടിനാളെ സംസ്ഥാനത്ത് എസ്എഫ്ഐയുടെ പഠിപ്പ് മുടക്ക്: ക്ലാസുകൾ മുടങ്ങുമോ?KEAM പരീക്ഷാഫലം റദ്ദാക്കിയ നടപടി: തുടർനടപടികൾ ആലോചിച്ച ശേഷമെന്ന് അർ. ബിന്ദുKEAM 2025 പരീക്ഷാഫലം ഹൈക്കോടതി റദ്ദാക്കി നാളത്തെ പരീക്ഷകൾ മാറ്റി: ഇന്നത്തെ പ്രധാന വിദ്യാഭ്യാസ വാർത്തകൾ

KEAM 2025 പരീക്ഷാഫലം ഹൈക്കോടതി റദ്ദാക്കി 

Jul 9, 2025 at 11:25 am

Follow us on

തിരുവനന്തപുരം: കഴിഞ്ഞ ദിവസം പ്രസിദ്ധീകരിച്ച കേരള എൻജിനീയറിങ് ആർകിടെക്ചർ മെഡിക്കൽ- KEAM) പരീക്ഷ ഫലം കേരള ഹൈകോടതി റദ്ദാക്കി. പരീക്ഷയുടെ വെയിറ്റേജ് മാറ്റിയത് ചോദ്യംചെയ്തുള്ള ഹരജികളെ തുടർന്നാണ് പരീക്ഷ ഫലം റദ്ദാക്കിയത്. ജസ്റ്റിസ് ഡി.കെ.സിങാണ് പരീക്ഷാഫലം റദ്ദാക്കി ഉത്തരവിറക്കിയത്. എന്‍ജിനിയറിങ് പ്രവേശനത്തിനുള്ള പ്രവേശന പരീക്ഷയുടെ ഈ വർഷത്തെ റാങ്ക് നിര്‍ണയ രീതി സിബിഎസ്ഇസിലബസിലെ വിദാര്‍ഥികളെ ദോഷകരമായി ബാധിച്ചതായി ചൂണ്ടിക്കാട്ടിയാണ് ഹൈക്കോടതിയിൽ ചിലർ ഹർജി ഫയൽ ചെയ്തത്. പരീക്ഷ നടത്തിയതിന് ശേഷം പ്രോസ്പെക്ടസ് മാറ്റി വെയിറ്റേജിൽ മാറ്റം വരുത്തിയതിനെയാണ് ഇവർ കോടതിയിൽ ചോദ്യംചെയ്തത്.

ജൂലൈ ഒന്നിനാണ് കീം പരീക്ഷാ ഫലം പ്രഖ്യാപിച്ചത്. എ​ൻ​ജി​നീ​യ​റി​ങ് വി​ഭാ​ഗ​ത്തി​ല്‍ എ​റ​ണാ​കു​ളം മൂ​വാ​റ്റു​പു​ഴ സ്വ​ദേ​ശി ജോ​ണ്‍ ഷി​നോ​ജും ഫാ​ർ​മ​സി​യി​ൽ ആ​ല​പ്പു​ഴ പ​ത്തി​യൂ​ർ സ്വ​ദേ​ശി​നി അ​ന​ഘ അ​നി​ലും ഒ​ന്നാം റാ​ങ്ക് നേ​ടിയിരുന്നു. പ്ലസ്​ ടു ഫിസിക്സ്​, കെമിസ്​ട്രി, മാത്തമാറ്റിക്സ്​ വിഷയങ്ങൾക്ക്​ തുല്യപരിഗണന നൽകിയുള്ള മാർക്ക്​ ഏകീകരണമായിരുന്നു കഴിഞ്ഞ വർഷം വരെയുണ്ടായിരുന്നത്​. ഈ വർഷം പുതുക്കിയ മാർക്ക്​ ഏകീകരണത്തിൽ മാമാത്തമാറ്റിക്സിന്​ അധിക വെയ്​റ്റേജ്​ നൽകി 5:3:2 എന്ന അനുപാതത്തിലേക്ക്​ മറ്റുജയായിരുന്നു. മാത്​സിന് അഞ്ചും ഫിസിക്സിന്​ മൂന്നും കെമിസ്​ട്രിക്ക്​ രണ്ടും എന്ന രീതിയിലാണ്​ വെയ്​റ്റേജ്​ നൽകിയത്​. ഈ വെയ്​റ്റേജ്​ റദ്ദാക്കി പകരം മൂന്ന്​ വിഷയങ്ങൾക്കും തുല്യവെയ്​റ്റേജ്​ എന്ന പഴയ രീതി തുടരാനാണ്​ കോടതി നിർദേശിച്ചത്​.

എൻജിനീയറിങ്​ പ്രവേശന പരീക്ഷയുടെ സ്​കോർ പ്രസിദ്ധീകരിച്ച ശേഷമാണ്​ ​മാർക്ക്​ ഏകീകരണ വ്യവസ്ഥയിൽ മാറ്റം വരുത്തി പ്രോസ്​പെക്ടസ്​ ഭേദഗതി ചെയ്തത്​.  എ​ൻ​ജി​നീ​യ​റി​ങ്ങി​ൽ 86,549 പേ​ർ പ​രീ​ക്ഷ​യെ​ഴു​തി​യ​തി​ൽ 76,230 പേരാണ് യോ​ഗ്യ​ത നേ​ടിയത്. ഇ​തി​ൽ 33,555 പെ​ൺ​കു​ട്ടി​ക​ളും 33,950 ആ​ൺ​കു​ട്ടി​ക​ളു​മ​ട​ക്കം 67,505 പേ​രാ​ണ് റാ​ങ്ക് പ​ട്ടി​ക​യി​ൽ ഇ​ടം നേ​ടി​യ​ത്. ആ​ദ്യ നൂ​റ് റാ​ങ്കു​കാ​രി​ൽ 43 പേ​ർ പ്ല​സ്ടു കേ​ര​ള ബോ​ർ​ഡ് പ​രീ​ക്ഷ​യെ​ഴു​തി​യ​വ​രാ​ണ്. 55 പേ​ർ സി.​ബി.​എ​സ്.​ഇ സി​ല​ബ​സും ര​ണ്ടു​പേ​ർ ഐ.​എ​സ്.​സി.​ഇ സി​ല​ബ​സും പ്ര​കാ​രം യോ​ഗ്യ​താ പ​രീ​ക്ഷ​യെ​ഴു​തി​യ​വ​രാ​ണ്. 33,425 പേ​രാ​ണ് ഫാ​ർ​മ​സി പ​രീ​ക്ഷ​യെ​ഴു​തി​യ​ത്. ഇ​തി​ൽ 27,841 പേ​ർ റാ​ങ്ക് ലി​സ്റ്റി​ൽ ഇ​ടം നേ​ടി.

Follow us on

Related News