തിരുവനന്തപുരം:രാജ്യത്തെ കേന്ദ്ര സർവകലാശാലകളിൽ നിയമനം നടത്താതെ ഒഴിഞ്ഞു കിടക്കുന്നത് 5182 അധ്യാപക തസ്‌തികകൾ. കേന്ദ്ര വിദ്യാഭ്യാസ മന്ത്രാലയം ലോക്സഭയെ അറിയിച്ചതാണിത്. സർവകലാശാലകൾക്ക് ആകെ അനുവദിച്ച 18,940 തസ്‌തികയുടെ 27.3 ശതമാനമാണ് ഇത്തരത്തിൽ ഒഴിഞ്ഞു കിടക്കുന്നത്. എസ്‌.സി. വിഭാഗത്തിൽ 740 ഒഴിവുകളും എസ്‌.ടി. വിഭാഗത്തിൽ 464 ഒഴിവുകളും ഒ.ബി.സി. വിഭാഗത്തിൽ 1546 ഒഴിവുകളും ഉണ്ട്. ഇതിനു പുറമെ സർവകലാശാലകളിലെ അനധ്യാപക തസ്‌തികകളിൽ 47 ശതമാനവും ഒഴിഞ്ഞു കിടക്കുന്നു. ഈ വിഭാഗത്തിൽ
ആകെ 35,640 തസ്‌തികയിൽ 16,719 എണ്ണത്തിലും നിയമനം നടത്തിയിട്ടില്ല. ഷാഫി പറമ്പിലിൻ്റെ ചോദ്യത്തിനുള്ള ഉത്തരമായാണ് സഭയിൽ കണക്കുകൾ എത്തിയത്.
എൽപി വിഭാഗം പരീക്ഷകൾ ഇന്നുമുതൽ: കുട്ടികൾക്ക് സമയപരിധി ഇല്ല
തിരുവനന്തപുരം:സംസ്ഥാനത്തെ സ്കൂളുകളിൽ എൽപി വിഭാഗം ഓണപ്പരീക്ഷയ്ക്ക് ഇന്നു തുടക്കമാകും. ഇന്ന്...
