ജൂനിയർ റെഡ് ക്രോസ് കൗൺസിലേഴ്സ് മീറ്റ്

മലപ്പുറം:ഐആർസിഎസ്, ജൂനിയർ റെഡ് ക്രോസ് (ജെആർസി) എന്നിവയുടെ നേതൃത്വത്തിൽ ജെആർസി കൗൺസിലർമാർക്കായി ശില്പശാല സംഘടിപ്പിച്ചു. മലപ്പുറം, വണ്ടൂർ വിദ്യാഭ്യാസ ജില്ലകളിലെ കൗൺസിലർമാർക്കായാണ് പരിപാടി സംഘടിപ്പിച്ചത്. തുറക്കൽ HMHS ഹൈസ്കൂളിൽ നടന്ന പരിപാടിയുടെ ഉദ്ഘാടനം മലപ്പുറം വിദ്യാഭ്യാസ ജില്ല DEO കെ.ഗീതാകുമാരി നിർവഹിച്ചു. ഐആർസി എസ് ചെയർമാൻ ജി മോഹൻകുമാർ അധ്യക്ഷത വഹിച്ചു. ഈ അധ്യയന വർഷത്തിലെ മലപ്പുറം ജില്ല ജെആർസി പ്രവർത്തന കലണ്ടർ
ജില്ല കോ-ഓർഡിനേറ്റർ എ.ഷഫ്‌ന അവതരിപ്പിച്ചു.
ജെ ആർ സിയുടെ ആഭിമുഖ്യത്തിൽ നിർമ്മിച്ചു നൽകുന്ന രണ്ടാമത്തെ സ്നേഹവീടിനുള്ള നിലമ്പുർ ഉപജില്ലയുടെ ഫണ്ട് മമ്പാട് GVHSS ലെ JRC കൗൺസിലർ കുദ്റത്തുള്ള മാസ്റ്ററിൽ നിന്ന് DEO ഏറ്റുവാങ്ങി. IRCS ജില്ലാ സെക്രട്ടറി വാസു മലപ്പുറം ജില്ലാ IRCS -JRC ഇൻചാർജ് പ്രൈം സൺ, IRCS ഏറനാട് താലൂക്ക് കമ്മിറ്റി ചെയർമാൻ ഹുസൈൻവല്ലാഞ്ചിറ, HMSHS മാനേജർ കെ എം അബ്ദുൽ ഷുക്കൂർ, തുറക്കൽ HMSHS പ്രാധാന അദ്ധ്യാപകൻ ഇൻ ചാർജ് അഖിൽ എന്നിവർ ആശംസകൾ അർപ്പിച്ചു. JRC മലപ്പുറം ജില്ല JRC കോ ഓർഡിനേറ്റർ എ ഷഫ്‌ന സ്വാഗതവും JRC മഞ്ചേരി ഉപജില്ല കോഡിനേറ്റർ പി ഷഫീഖ് നന്ദിയും പറഞ്ഞു.
പി വാസു IRCS നെയും നൻസാർ JRC യെയും പരിചയപ്പെടുത്തി. ലീഡർഷിപ്പ് സ്കിൽ എന്ന വിഷയത്തിൽ ആന്റോ ഡൈൻ ക്ലാസിന് നേതൃത്വം നൽകി.