തിരുവനന്തപുരം:കേരള പൊലീസിൽ ന്യൂനപക്ഷ വിഭാഗക്കാര്‍ക്ക് മാത്രമായി സ്‌പെഷ്യല്‍ റിക്രൂട്ട്‌മെന്റ് നടത്തുന്നു. പൊലിസ് കോണ്‍സ്റ്റബിള്‍ തസ്തികയിലാണ് നിയമനം. മുസ്‌ലിം വിഭാഗക്കാര്‍ക്ക് മാത്രമായുള്ള സ്‌പെഷ്യല്‍ എന്‍സിഎ നിയമനമാണ്. പത്താം ക്ലാസുകാര്‍ക്ക് അപേക്ഷിക്കാം. ആകെ 3 ഒഴിവുകളാണുള്ളത്. പി.എസ്.സി വഴിയാണ് തിരഞ്ഞെടുപ്പ്. അപേക്ഷ ഓഗസ്റ്റ് 14 വരെ നല്‍കാം. തിരഞ്ഞെടുക്കപ്പെടുന്നവര്‍ക്ക് 31,100 രൂപ മുതല്‍ 66,800 രൂപ വരെയാണ് ശമ്പളം. പി.എസ്.സിയുടെ ഔദ്യോഗിക വെബ്‌സൈറ്റ് https://thulasi.psc.kerala.gov.in/thulasi/ സന്ദര്‍ശിച്ച് കൂടുതല്‍ വിവരങ്ങളറിയാം. 18 മുതല്‍ 29 വയസ് വരെയാണ് പ്രായപരിധി. ഉദ്യോഗാര്‍ഥികള്‍ 2.1.1995നും 1.1.2006 നും ഇടയില്‍ ജനിച്ചവരായിരിക്കണം.
ഫിസിക്കല്‍ മെഷര്‍മെന്റ് ടെസ്റ്റിന്റെയും, ഫിസിക്കല്‍ ടെസ്റ്റിന്റെയും അടിസ്ഥാനത്തിലാണ് നിയമനം.
