തിരുവനന്തപുരം:ഇന്ത്യൻ തപാൽ വകുപ്പിൽ വിവിധ തസ്തികകളിലെ നിയമനത്തിന് ഇപ്പോൾ അപേക്ഷിക്കാം. രാജ്യത്തെ വിവിധ സംസ്ഥാനങ്ങളിലായി ബ്രാഞ്ച് പോസ്റ്റ് മാസ്റ്റർ (ബിപിഎം)/അസിസ്റ്റന്റ്റ് ബ്രാഞ്ച് പോസ്റ്റ് മാസ്റ്റർ (എബിപിഎം)/ഡാക്ക് സേവക് (പോസ്റ്റ്‌മാൻ) തസ്‌തികകളിൽ താൽക്കാലിക നിയമനത്തിനാണ് അവസരം. വിവിധ സംസ്ഥാനങ്ങളിലായി ആകെ 44,222 ഒഴിവുകൾ ഉണ്ട്. ഇതിൽ 2433 ഒഴിവുകൾ കേരളത്തിലാണ്. മാത്തമാറ്റിക്സ്, ഇംഗ്ലീഷ് അടക്കമുള്ള വിഷയങ്ങൾ പഠിച്ച് പത്താം ക്ലാസ്/എസ്എസ്എൽസി/തത്തുല്യ പരീക്ഷ പാസായിരിക്കണം. പ്രാദേശിക ഭാഷ (കേരളത്തിൽ മലയാളം) പത്താം ക്ലാസ് വരെ പഠിച്ചവരാകണം. കമ്പ്യൂട്ടർ പരിജ്ഞാനം അനിവാര്യം. സൈക്കിൾ സവാരിയും പഠിച്ചിരിക്കണം. അപേക്ഷകരുടെ പ്രായപരിധി 18 വയസ് മുതൽ 40 വരെയാണ്. പട്ടികജാതി, ർഗക്കാർക്ക് 5വർഷവും ഒ.ബി.സിക്കാർക്ക് 3 വർഷവും ഭിന്നശേഷിക്കാർക്ക് 10 വർഷവും ഇളവുണ്ട്. അപേക്ഷ ഫീസ് 100 രൂപയാണ്. വനിതകൾ/ ട്രാൻസ്വിമെൻ/എസ്.സി/എസ്.ടി വിഭാഗങ്ങളിൽപ്പെടുന്നവർക്ക് ഫീസ് ഇല്ല. യോഗ്യതയുടെയും പരീക്ഷയുടെ മാർക്കിന്റെയും അടിസ്ഥാനത്തിലാണ് നിയമനം. നിയമനം ലഭിക്കുന്നവർ അതത് പോസ്റ്റോഫിസിന്റെ പരിധിയിൽ താമസിക്കണം.
ബ്രാഞ്ച് പോസ്റ്റ്മാസ്റ്റർക്ക് 12,000 രൂപ മുതൽ 29,380 രൂപ വരെയും അസിസ്റ്റന്റ് ബ്രാഞ്ച് പോസ്റ്റ് മാസ്റ്റർക്കും ഡാക്ക് സേവകർക്കും 10,000മുതൽ 24470 രൂപയുമാണ് ശമ്പളം എസ്.സി/ എസ്.ടി/ഒ.ബി.സി/പി.ഡബ്ല്യു.ബി.ഡി/ ഇ.ഡബ്ല്യു.എസ് വിഭാഗങ്ങളിൽപെടുന്നവർക്ക് നിയമനത്തിൽ സംവരണാനുകൂല്യം ലഭിക്കും. അപേക്ഷ ഓഗസ്റ്റ് 5വരെ നൽകാം. നിയമന വിജ്ഞാപനം
http://indiapostgdsonline.gov.in വഴി പരിശോധിക്കാം.
നിപ്പ രോഗബാധ: മലപ്പുറത്ത് മാസ്ക് നിർബന്ധം, വിദ്യാഭ്യാസ സ്ഥാപനങ്ങൾക്കും വ്യാപാരങ്ങൾക്കും നിയന്ത്രണം
മലപ്പുറം: നിപ്പ രോഗബാധ സ്ഥിരീകരിച്ച മലപ്പുറം ജില്ലയിൽ പൊതുയിടങ്ങളിൽ മാസ്ക്...
