പ്രധാന വാർത്തകൾ
എൽഎസ്എസ് – യുഎസ്എസ് സ്കോളർഷിപ്പ് കുടിശിക 27.61 കോടി അനുവദിച്ചു: മന്ത്രി വി ശിവൻകുട്ടിപ്ലസ് വൺ രണ്ടാം സപ്ലിമെന്ററി അലോട്ട്മെന്റ്: 23ന് വൈകിട്ട് 5വരെ അപേക്ഷ പുതുക്കാംസംസ്ഥാന സർക്കാരിന്റെ ഉജ്ജ്വല ബാല്യം പുരസ്കാരം: അപേക്ഷ ഓഗസ്റ്റ് 15വരെപിജി ഡെന്റൽ പ്രവേശനം: അന്തിമ മെറിറ്റ് ലിസ്റ്റ് & കാറ്റഗറി ലിസ്റ്റ്നാളെ നടക്കുന്ന പ്ലസ് വൺ സ്കൂൾ, കോമ്പിനേഷൻ ട്രാൻസ്ഫർ അലോട്മെന്റ് പ്രോട്ടോകോൾ പാലിച്ച്ആനക്കയത്തും പാണ്ടിക്കാട്ടും വിദ്യാഭ്യാസ സ്ഥാപനങ്ങൾ അനിശ്ചിത കാലത്തേക്ക് അടച്ചു: മലപ്പുറത്തെ നിപ നിയന്ത്രണങ്ങള്‍ ഇങ്ങനെപ്ലസ് വൺ സ്‌കൂൾ, കോമ്പിനേഷൻ ട്രാൻസ്‌ഫർ അഡ്‌മിഷൻ 22,23 തീയതികളിൽ: ലിസ്റ്റ് ഉടൻസംസ്ഥാന അധ്യാപക അവാർഡ്: അപേക്ഷ 16വരെസ്‌കൂള്‍ അവധി പ്രധാനാധ്യാപകര്‍ക്ക് തീരുമാനിക്കാം: കോഴിക്കോട് കലക്ടര്‍മലപ്പുറം ജില്ലയിൽ നാളെ ഭാഗിക അവധി: മറ്റു 4 ജില്ലകളിലും അവധി

ഡിജിറ്റൽ യൂണിവേഴ്‌സിറ്റി കേരളയിൽ ബിരുദാനന്തര ബിരുദ കോഴ്സുകൾ: അപേക്ഷ 15വരെ

Jul 2, 2024 at 2:00 pm

Follow us on

തിരുവനന്തപുരം:ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി ആൻഡ് മാനേജ് മെന്റ് – കേരളയെ (IIITM-K) നവീകരിച്ചുകൊണ്ട് കേരള സർക്കാർ സ്ഥാപിച്ച കേരള യൂണിവേഴ്സിറ്റി ഓഫ് ഡിജിറ്റൽ സയൻസസ്, ഇന്നൊവേഷൻ ആൻഡ് ടെക്നോളജി (ഡിജിറ്റൽ യൂണിവേഴ്‌സിറ്റി കേരള)യിൽ, ഡിജിറ്റൽ – ശാസ്ത്ര സാങ്കേതികവിദ്യ അധിഷ്ഠിത ബിരുദാനന്തര ബിരുദ (പിജി) പ്രോഗ്രാമുകളിലേക്ക് 2024 ജൂലൈ 15വരെ അപേക്ഷിക്കാം. അപേക്ഷകർ സി യൂ ഇ ടി (പി ജി) 2024 അല്ലെങ്കിൽ ഡിജിറ്റൽ യൂണിവേഴ്സിറ്റി ജൂലൈ 22 ന് ഓൺലൈൻ ആയി നടത്തുന്ന രണ്ടാം ഘട്ട അഡ്മിഷൻ ടെസ്റ്റ് (DUAT-2024 Phase II) എഴുതേണ്ടതാണ്. MBA അപേക്ഷകർക്ക് CAT, KMAT, CMAT, NMAT, അല്ലെങ്കിൽ GRE എന്നിവയിൽ നിന്നുള്ള സ്കോറുകൾ സമർപ്പിക്കാം. എംടെക് അപേക്ഷകൾക്ക് GATE സ്കോർ പരിഗണിക്കുന്നതാണ്.

പിജി പ്രോഗ്രാമുകളിൽ എംഎസ്‌സി, എംടെക്, എം ബി എ പ്രോഗ്രാമുകളാണ് ഉൾപ്പെടുന്നത്. എംഎസ്‌സി കമ്പ്യൂട്ടർ സയൻസ് പ്രോഗ്രാമിൽ ഡാറ്റ അനലിറ്റിക്സ്, മെഷീൻ ഇൻറലിജൻസ്, സൈബർ സെക്യൂരിറ്റി എന്നീ സ്പെഷ്യലൈസേഷനുകൾ തിരഞ്ഞെടുക്കാവുന്നതാണ്. എംടെക്ക് കമ്പ്യൂട്ടർ സയൻസ് & എഞ്ചിനീയറിംഗിൽ കണക്റ്റഡ് സിസ്റ്റംസ് & ഇന്റലിജൻസ്, ആർട്ടിഫിഷ്യൽ ഇന്റലിജൻസ്, സൈബർ സെക്യൂരിറ്റി എഞ്ചിനീയറിംഗ് എന്നിവയിൽ സ്പെഷ്യലൈസേഷനുകൾ ചെയ്യാനുള്ള അവസരവും ലഭ്യമാണ്. കൂടാതെ, ഡാറ്റ അനലിറ്റിക്‌സ് ആൻഡ് ബയോ-എഐ. ഡാറ്റാ അനലിറ്റിക്സ‌് ആൻഡ് ജിയോ- ഇൻഫോർമാറ്റിക്സ്, ഡാറ്റാ അനലിറ്റിക്സ് ആൻഡ് കംപ്യൂട്ടേഷണൽ സയൻസ്, ഇക്കോളജിക്കൽ ഇൻഫോർമാറ്റിക് സിൽ സ്പെഷ്യലൈസേഷനോട് കൂടിയ എം.എസ്‌സി ഇക്കോളജി പ്രോഗ്രാമുകളിലേക്കും അപേക്ഷിക്കാവുന്നതാണ്. എംടെക് ഇലക്ട്രോണിക്സ് എഞ്ചിനീയറിംഗ്, എംഎസ്‌സി ഇലക്ട്രോണിക്സ്, എംഎസ്‌സി അപ്ലൈഡ് ഫിസിക്സ് പ്രോഗ്രാമുകളിൽ എഐ ഹാർഡ്‌വെയർ, വിഎൽഎസ്.ഐ, അപ്ലൈഡ് മെറ്റീരിയൽസ്, ഐടി ആൻഡ് റോബോട്ടിക്സ‌് എന്നീ സ്പെഷ്യലൈസേഷനുകൾ ഉണ്ടായിരിക്കുന്നതാണ്.
എംബിഎ പ്രോഗ്രാമിൽ ബിസിനസ് അനലിറ്റിക്സ‌്, ഡിജിറ്റൽ ഗവേണൻസ്, ഡിജിറ്റൽ ട്രാൻസ്ഫോർമേഷൻ, ഫിനാൻസ്, ഹ്യൂമൻ റിസോഴ്സ്, ഇൻഫർമേഷൻ സെക്യൂരിറ്റി മാനേജ്‌മെൻ്റ്, മാർക്കറ്റിംഗ് സ്പെഷ്യലൈസേഷനുകൾ ഉണ്ടായിരിക്കുന്നതാണ്.
കൂടുതൽ വിവരങ്ങൾക്ക്, DUK അഡ്മിഷൻ പോർട്ടൽ https://duk.ac.in/admission/ സന്ദർശിക്കുക. 8078193800 എന്ന നമ്പറിൽ നേരിട്ടും ബന്ധപ്പെടാവുന്നതാണ്.

Follow us on

Related News