തിരുവനന്തപുരം:അടുത്ത അധ്യയന വർഷം ആരംഭിക്കുന്നതിന് മുൻപായി സംസ്ഥാനത്തെ എല്ലാ പൊതുവിദ്യാലയങ്ങളിൽ ഇന്റർനെറ്റ് സൗകര്യം ഉറപ്പ് വരുത്തണമെന്ന ആവശ്യം ശക്തം. സർക്കാർ ഇന്റർനെറ്റ് സംവിധാനമായ കെ-ഫോൺ കണക്ഷനുകൾ നൽകുന്നത് ഇപ്പോഴും പാതിവഴിയിൽ നിൽക്കുന്ന സാഹചര്യത്തിലാണ് അധ്യാപകർ അടക്കമുള്ളവർ ഇന്റർനെറ്റ് ലഭ്യത ഉറപ്പാക്കണം എന്ന ആവശ്യം ഉയർത്തുന്നത്. കഴിഞ്ഞ അധ്യയന വർഷം ആദ്യം കെ-ഫോൺ വരുന്നതിന്റെ മുന്നോടിയായി സ്കൂളുകളിൽ ഉണ്ടായിരുന്ന ബിഎസ്എൻഎൽ കണക്ഷനുകൾ വിഛേദിച്ചിരുന്നു. എന്നാൽ അധ്യയന വർഷം അവസാനിച്ചിട്ടും പകുതി സ്കൂളുകളിൽ പോലും കെ-ഫോൺ ഇന്റർനെറ്റ് എത്തിക്കാനായിട്ടില്ല. സ്കൂൾ പിടിഎകൾ പണം മുടക്കിയും സ്പോൺസർഷിപ്പിലൂടെയും സ്വന്തം നിലയ്ക്കുമാണ് കണക്ഷൻ എടുത്ത് സ്മാർട് ക്ലാസ് റൂമും ഓഫിസ് പ്രവർത്തനങ്ങളും നടത്തിയത്. സ്കൂളുകളിലെ കെ-ഫോൺ കണക്ഷന് ആര് പണം അടയ്ക്കും എന്ന കാര്യത്തിലും അനിശ്ചിതത്വമുണ്ട്. കെ-ഫോൺ കണക്ഷന്റെ ബിൽ തുക ഓഫിസുകളും സ്ഥാപനങ്ങളും സ്വന്തമായി അടയ്ക്കണമെന്ന് കഴിഞ്ഞ ദിവസം ഉത്തരവ് ഇറങ്ങിയിട്ടുണ്ട്.
![എംബിബിഎസ് പ്രവേശനം: കേരളത്തിലെ സ്വാശ്രയ കോളജുകളിലെ പുതുക്കിയ ഫീസ് നിരക്ക്](https://schoolvartha.com/wp-content/uploads/2024/09/images-2024-09-07T203005.224.jpeg)
എംബിബിഎസ് പ്രവേശനം: കേരളത്തിലെ സ്വാശ്രയ കോളജുകളിലെ പുതുക്കിയ ഫീസ് നിരക്ക്
തിരുവനന്തപുരം:എംബിബിഎസ് പ്രവേശന ഫീസിന്റെ അഞ്ചുശതമാനം വർധിപ്പിച്ചതിനെ തുടർന്ന്...