പ്രധാന വാർത്തകൾ
വിദ്യാർത്ഥികൾ അടക്കമുള്ള കന്നിവോട്ടർമാരുടെ ശ്രദ്ധയ്ക്ക്; വോട്ട് ചെയ്യേണ്ടത് ഇങ്ങനെഡിഎൽഎഡ്, ബി.വോക് പരീക്ഷാഫലങ്ങൾകുറഞ്ഞ ചിലവിൽ മികച്ച പഠനവസരം നൽകി കാലിക്കറ്റ്‌ സർവകലാശാലയിൽ ഇന്റഗ്രേറ്റഡ് പിജിബിരുദ പ്രവേശനം: സിയുഇടി- യുജി മെയ് 15 മുതൽസ്കൂൾ അധ്യാപകർക്ക് എഐ സാങ്കേതിക വിദ്യയിൽ മെയ്‌ 2മുതൽ പരിശീലനംKEAM-2024: കോഴ്സുകൾ കൂട്ടിച്ചേർക്കാൻ ഇന്നുകൂടി അവസരംഎൻജിനീയറിങ് പ്രവേശന പരീക്ഷ സിലബസ് മാറ്റം: നടപടി വൈകുന്നുസ്കൂൾ വിദ്യാർത്ഥികൾക്കുള്ള സമ്മർ ക്യാമ്പ് മെയ് 6മുതൽഹയർ സെക്കന്ററി ഫലം മെയ് പത്തോടെ: മൂല്യനിർണ്ണയം അടുത്തയാഴ്ച പൂർത്തിയാക്കുംഎസ്എസ്എൽസി മൂല്യനിർണ്ണയം പൂർത്തിയായി: പരീക്ഷാ ഫലം ഉടൻ

കേരളത്തിന് പുതിയ വൈറോളജി ഇൻസ്റ്റിറ്റ്യൂട്ട്: ഉദ്ഘാടനം നാളെ

Feb 24, 2024 at 5:00 pm

Follow us on

തിരുവനന്തപുരം:കേന്ദ്ര ആരോ​ഗ്യമന്ത്രാലയത്തിന്റെ കീഴിൽ കേരളത്തിൽ ഐസിഎംആർ – നാഷണൽ വൈറോളജി ഇൻസ്റ്റിറ്റ്യൂട്ട് പ്രവർത്തനമാരംഭിക്കുന്നു. നാളെ (ഫെബ്രുവരി 25 ന്) പ്രധാനമന്ത്രി നരേന്ദ്ര മോദി ​ഗുജറാത്തിലെ രാ‍ജ്കോട്ട് എയിംസിൽ നടക്കുന്ന ചടങ്ങിൽ ഓൺലൈനായി ഉദ്ഘാടനം നിർവ്വഹിക്കും. വൈറോളജി മേഖലയിൽ കഴിഞ്ഞ 60 വർഷമായി പ്രവർത്തിക്കുന്ന ഇന്ത്യയിലെ പ്രമുഖ സ്ഥാപനമായ ഐസിഎംആർ-നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയുടെ പ്രാദേശിക കേന്ദ്രമാണ് ആലപ്പുഴയിൽ പ്രവർത്തനം ആരംഭിക്കുന്നത്. ആരോ​ഗ്യമേഖലയിലെ നിരവധി പദ്ധതികളിൽ ആലപ്പുഴ ഐസിഎംആർ-നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയും ഉൾപ്പെടും. 2007-ൽ, കേരളത്തിൽ എൻഐവി ഫീൽഡ് യൂണിറ്റ് സ്ഥാപിക്കുന്നതിനുള്ള അംഗീകാരത്തിനായി സ്റ്റാൻഡിംഗ് ഫിനാൻഷ്യൽ കമ്മിറ്റിക്ക് (എസ്എഫ്സി) പദ്ധതി നിർദ്ദേശം സമർപ്പിച്ചു. ആർത്രോപോഡിലൂടെ മനുഷ്യരിലേക്ക് പകരുന്ന വൈറൽ രോഗനിർണയം, രോ​ഗത്തിന്റെ ഉത്ഭവം കണ്ടെത്തൽ, പ്രാദേശിക അടിസ്ഥാന വൈറോളജി ഗവേഷണം എന്നിവയാണ് ​ഗവേഷണ കേന്ദ്രത്തിന്റെ ലക്ഷ്യം. കേന്ദ്ര നിർദേശപ്രകാരം വണ്ടാനം ടി.ഡി മെഡിക്കൽ കോളേജ് ആശുപത്രിയിൽ 2008 ഫെബ്രുവരിയിൽ ലബോറട്ടറിയുടെ യൂണിറ്റ് താത്കാലികമായി പ്രവർത്തനം ആരംഭിച്ചു. 2018-ൽ കോഴിക്കോട് ജില്ലയിൽ നിപ്പ ബാധ സ്ഥിരീകരിച്ചപ്പോൾ ഇത് കൈകാര്യം ചെയ്യുന്നതിന് BSL-3 സൗകര്യം ലബോറട്ടറിയിൽ ഉൾപ്പെടുത്താൻ തീരുമാനിച്ചിരുന്നു. 2022-ൽ, യൂണിറ്റ് താൽക്കാലിക സ്ഥലത്ത് നിന്ന് പുതുതായി നിർമ്മിച്ച ലബോറട്ടറി കെട്ടിടത്തിലേക്ക് മാറ്റി. മോളിക്യുലർ വൈറോളജി, എൻ്റോമോളജി, എപ്പിഡെമിയോളജി, സോഷ്യൽ സയൻസ് ഗ്രൂപ്പ് പ്രവർത്തനം തുടങ്ങിയവ ഈ യൂണിറ്റിൽ ഉൾപ്പെടുത്തിയിട്ടുണ്ട്. ഐസിഎംആർ ഈ യൂണിറ്റിനെ ഗ്രേഡ് I വൈറൽ റിസർച്ച് ആൻഡ് ഡയഗ്നോസ്റ്റിക് ലബോറട്ടറിയായി അപ്ഗ്രേഡ് ചെയ്തിട്ടുണ്ട്. ലോകാരോഗ്യ സംഘടനയുടെ ഹ്യൂമൻ ഇൻഫ്ലുവൻസ നിരീക്ഷണ ശൃംഖലയിലും യൂണിറ്റിനെ ഉൾപ്പെടുത്തിയിട്ടുണ്ട്. 2019-ൽ ഡിഎച്ച്ആർ ഈ യൂണിറ്റിനെ സംസ്ഥാനതല വൈറൽ റിസർച്ച് ആൻഡ് ഡയഗ്നോസ്റ്റിക് ലബോറട്ടറിയായി അപ്ഗ്രേഡ് ചെയ്തു. അഞ്ചാം പനി, റുബെല്ല രോഗനിർണ്ണയത്തിനായി ലോകാരോഗ്യ സംഘടനയുടെ അംഗീകാരവും ലഭിച്ചു. മുൻകാലങ്ങളിൽ നിപ വൈറസ്, കൊവിഡ്-19, കുരങ്ങുപനി,ജപ്പാൻ പനി, കൊതുക് പരത്തുന്ന വെസ്റ്റ് നൈൽ വൈറസ് എന്നിവ കണ്ടെത്തുന്നതിൽ ഈ യൂണിറ്റ് നിർണായക പങ്ക് വഹിച്ചിട്ടുണ്ട്. വെസ്റ്റ് നൈൽ വൈറസിൻ്റെയും നോറോവൈറസിൻ്റെയും സാന്നിധ്യം കേരളത്തിൽ ആദ്യമായി റിപ്പോർട്ട് ചെയ്തെന്ന നേട്ടവും ആലപ്പുഴയിലെ വൈറോളജി ഇൻസ്റ്റിറ്റ്യൂട്ടിന് സ്വന്തം. കാലത്തിനനുസരിച്ച് മാറി മാറി വരുന്ന വൈറസുകളെ എത്രയും വേ​ഗത്തിൽ കണ്ടെത്തുന്നതിനും പ്രതിരോധിക്കുന്നതിനും ഐ സി എം ആർ – നാഷണൽ വൈറോളജി ഇൻസ്റ്റിറ്റ്യൂട്ടിന്റെ ആലപ്പുഴയിലെ യൂണിറ്റ് ആരോ​ഗ്യ മേഖലയിൽ മുതൽകൂട്ടാണ്.

Follow us on

Related News