വിവിധ സേനകളിലായി 1314 ഒഴിവുകൾ: അപേക്ഷ ജനുവരി 9വരെ

 

തിരുവനന്തപുരം:പ്ലസ്ടു, ബിരുദ യോഗ്യത ഉള്ളവർക്ക് വിവിധ സേനകളിൽ ജോലി നേടാൻ അവസരം. വിവിധ സേനകളിലായി ആകെ 1314 ഒഴിവുകൾ ഉണ്ട്. പ്ലസ് ടുക്കാർക്ക് നാഷനൽ ഡിഫൻസ് അക്കാദമി ആൻഡ് നേവൽ അക്കാദമി പരീക്ഷ വഴിയും ബിരുദമുള്ളവർക്ക് കംബൈൻഡ് ഡിഫൻസ് സർവീസസ് പരീക്ഷ വഴിയും വിവിധ സേനകളിൽ ജോലി നേടാം. ഇതിനുള്ള യു.പി.എസ്.സി. പരീക്ഷ ഏപ്രിൽ 21ന് നടക്കും. കേരളത്തിൽ തിരുവനന്തപുരത്തും കൊച്ചിയിലും കോഴിക്കോടും പരീക്ഷാകേന്ദ്രങ്ങളുണ്ട്.
http://upsconline.nic.in വഴി ജനുവരി 9വരെ അപേക്ഷ നൽകാം. അപേക്ഷകർക്ക് വേണ്ട ശാരീരികയോഗ്യതാ വിവരങ്ങളും പരീക്ഷാ സിലബസും വിജ്ഞാപനവും വിവരങ്ങളും http://upsc.gov.in ൽ ലഭ്യമാണ്.