ജനറൽ നഴ്സിങ് ആൻഡ് മിഡ് വൈഫറി കോഴ്സ്: സർക്കാർ സ്റ്റൈപ്പൻഡോടെ പഠനം

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DRpNCoPl6UWGt1uknNk9db

തിരുവനന്തപുരം: ഈ അധ്യയന വർഷത്തിലെ ജനറൽ നഴ്സിങ് ആൻഡ് മിഡ് വൈഫറി കോഴ്സ് പ്രവേശനത്തിന് ഇപ്പോൾ അപേക്ഷിക്കാം. അവസാന തീയതി ജൂലൈ 20ന് വൈകിട്ട് 5. സ്റ്റൈപ്പൻഡോടുകൂടിയ 3വർഷ കോഴ്സാണിത്. പഠന കാലത്ത് മാസംതോറും 700 രൂപയും
ഇന്റേൺഷിപ് (6മാസം) കാലയളവിൽ മാസംതോറും 2000 രൂപയും
സ്റ്റൈപൻഡ് അനുവദിക്കും. കോഴ്സ് പാസാകുന്നവർ ഗവ. നിർദേശപ്രകാരം വിവിധ മേഖലകളിൽ നിശ്ചിത വേതനത്തിൽ സേവനം ചെയ്യണം. ആകെയുള്ള 365 സീറ്റിൽ
20ശതമാനം ആൺകുട്ടികൾക്കാണ് സംവരണം ചെയ്തിരിക്കുന്നത്.

സീറ്റിൽ 60ശതമാനം മെറിറ്റും
40% സാമുദായിക സംവരണവുമാണ്

കെമിസ്ട്രി, ഫിസ്ക്സ്, ബയോളജി എന്നിവ ഐച്ഛിക വിഷയമായി പ്ലസ് ടു പരീക്ഷ (40 ശതമാനം മാർക്ക്) വിജയിച്ചവർക്ക് അപേക്ഷിക്കാം. ഇവരുടെ അഭാവത്തിൽ മറ്റു വിഷയങ്ങൾ പഠിച്ചവരെ പരിഗണിക്കും. പട്ടികവിഭാഗക്കാർക്ക് മാർക്കിൽ ഇളവുണ്ട്.
അപേക്ഷകർ സ്വന്തം ജില്ലയിൽ തന്നെ അതത് ജില്ലകളിലെ നഴ്സിങ് സ്കൂളിലും
കൊല്ലം ആശ്രാമത്തു പട്ടികവിഭാഗക്കാർക്കു മാത്രമായുള്ള സ്കൂളിലുമാണ് പ്രവേശനം. ആശാമത്തേക്ക് ഏതു ജില്ലയിൽ നിന്നുള്ള
പട്ടികവിഭാഗക്കാർക്കും അപേക്ഷിക്കാം. മറ്റ് അപേക്ഷകർ സ്വന്തം ജില്ലയിൽ അപേക്ഷിക്കണം. കൂടുതൽ വിവരങ്ങൾക്കും പ്രോസ്പെക്ടസിനും http://dhs.kerala.gov.in എന്ന വെബ്സൈറ്റ് സന്ദർശിക്കുക.