കേന്ദ്ര ഇന്റലിജൻസ് ബ്യൂറോയിൽ 797 ഓഫീസർ ഒഴിവുകൾ: അപേക്ഷ ജൂൺ 23വരെ

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DRpNCoPl6UWGt1uknNk9db

തിരുവനന്തപുരം: കേന്ദ്ര ആഭ്യന്തര മന്ത്രാലയത്തിനു കീഴിലെ ഇന്റലിജൻസ് ബ്യൂറോയിൽ ജൂനിയർ ഇന്റലിജൻസ് ഓഫിസർ ഗ്രേഡ് II / ടെക്നിക്കൽ ഒഴിവുകളിലേക്ക് ഇപ്പോൾ അപേക്ഷിക്കാം. ആകെ 797 ഒഴിവുകൾ ഉണ്ട്. നേരിട്ടുള്ള നിയമനമാണ്. ജനറൽ സെൻട്രൽ സർവീസ്, ഗ്രൂപ്പ് സി (നോൺ ഗസറ്റഡ്, നോൺ മിനിസ്റ്റീരിയൽ ) എന്നീ തസ്തികയാണുള്ളത്. ജൂൺ 23വരെ അപേക്ഷ നൽകാം. ഇലക്ട്രോണിക്സ്/ ഇലക്ട്രോണിക്സ് & കമ്യൂണിക്കേഷൻ / ഇലക്ട്രിക്കൽ & ഇലക്‌ട്രോണിക്സ്/ ഐടി / കംപ്യൂട്ടർ സയൻസ്/ കംപ്യൂട്ടർ എൻജിനീയറിങ്/ കംപ്യൂട്ടർ ആപ്ലിക്കേഷൻസിൽ എൻജിനീയറിങ് ഡിപ്ലോമ അല്ലെങ്കിൽ ബി.എസ്.സി ഇലക്ട്രോണിക്സ്/ കംപ്യൂട്ടർ സയൻസ്/ ഫിസിക്സ് / മാത് സ് അല്ലെങ്കിൽ ബിസിഎ ആണ് യോഗ്യത.

ഭിന്നശേഷി വിഭാഗക്കാർ അപേക്ഷിക്കേണ്ടതില്ല. പ്രായം 18 നും 27 നും മധ്യേയാണ്. എസ് സി /എസ്ടി വിഭാഗക്കാർക്ക് അഞ്ചും ഒബിസിക്കു മൂന്നും വർഷം ഇളവു ലഭിക്കും. അർഹരായ മറ്റു വിഭാഗങ്ങൾക്കും നിയമാനുസൃതമായ ഇളവുണ്ട്. 25,500 – 81,100 രൂപയാണ് ശമ്പളം. ഒബ്ജക്ടീവ് ടൈപ്പ് ഓൺലൈൻ പരീക്ഷ, സ്കിൽ ടെസ്റ്റ്, ഇന്റർവ്യൂ എന്നിവ മുഖേനയാണ് തിരഞ്ഞെടുപ്പ്. വിവരങ്ങൾക്ക്: http://mha.gov.in, http://ncs.gov.in.