SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/LgOArk3v5JW3X6wcv6DsUQ

തിരുവനന്തപുരം: ജൂൺ ഒന്നിന് മുൻപായി സംസ്ഥാനത്തെ സ്കൂളുകളിൽ ക്ലാസുകൾ ആരംഭിക്കരുതെന്ന് പൊതുവിദ്യാഭ്യാസ വകുപ്പിന്റെ കർശന ഉത്തരവ്. മധ്യവേനലവധിക്കാലത്ത് ഏതെങ്കിലും തരത്തിലുള്ള ക്ലാസ്സുകൾ നടത്തരുതെന്ന സർക്കാർ നിർദേശം മറികടന്നു പല സ്കൂളുകളിലും ക്ലാസുകൾ നടക്കുന്നതായി പരാതി ലഭിച്ച സാഹചര്യത്തിലാണ് പൊതു വിദ്യാഭ്യാസ ഡയറക്ടർ കെ.ജീവൻ ബാബു പുതിയ ഉത്തരവ് പുറത്തിറക്കിയത്.
സംസ്ഥാനത്തെ മുഴുവൻ സർക്കാർ, എയിഡഡ്, അൺ എയിഡഡ്, സിബിഎസ്ഇ, ഐസിഎസ്ഇ മേഖലയിലെ പ്രൈമറി, സെക്കന്ററി, ഹയർ സെക്കന്ററി, വൊക്കേഷണൽ ഹയർ സെക്കന്ററി സ്കൂളുകൾക്കും ഉത്തരവ്നേ ബാധകമാണ്. നേരത്തെ ഇതുമായി ബന്ധപ്പെട്ട് നിർദേശം നൽകിയിരുന്നു.

വേനൽ അവധിക്കായി സ്കൂളുകൾ അടച്ച സാഹചര്യത്തിൽ അവധിക്കാല ക്ലാസുകൾ എന്ന തരത്തിൽ വിദ്യാർത്ഥികൾക്കായി ക്ലാസുകളും മറ്റു പഠന സംവിധാനങ്ങളും ഒരുക്കരുത് എന്ന നിർദേശം നൽകിയിരുന്നു. ഇത് അവഗണിച്ചാണ് പല സ്കൂളുകളിലും ഇപ്പോൾ ക്ലാസുകൾ നടക്കുന്നത്.
ഈ സാഹചര്യത്തിൽ സർക്കുലറിലെ നിർദ്ദേശം കൃത്യമായി പാലിക്കപ്പെടുന്നുണ്ടെന്ന് ബന്ധപ്പെട്ട വിദ്യാഭ്യാസ ആഫീസർമാർ ഉറപ്പ് വരുത്തേണ്ടതും ലംഘനമെന്തെങ്കിലും ശ്രദ്ധയിൽപ്പെട്ടാൽ ഉത്തരവാദികളായ ഉദ്യോഗസ്ഥർക്കെതിരെ കർശനമായ അച്ചടക്ക നടപടികൾ സ്വീകരിക്കണഎന്നും പുതിയ ഇത്തരവിൽ പറയുന്നു.