SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/JuuEU6443gVHL3cmafwn8g
തിരുവനന്തപുരം: സംസ്ഥാന സാക്ഷരതാ മിഷൻ നടത്തുന്ന പത്താംതരം, ഹയർസെക്കൻഡറി തുല്യതാ കോഴ്സുകളുടെ രജിസ്ട്രേഷൻ ആരംഭിച്ചു. ഫൈൻ ഇല്ലാതെ മാർച്ച് 15 വരെ അപേക്ഷിക്കാം. മാർച്ച് 16 മുതൽ 31വരെ 50 രൂപ ഫൈനോടെയും ഏപ്രിൽ 1 മുതൽ 29 വരെ 200 രൂപ സൂപ്പർഫൈനോടെയും രജിസ്ട്രേഷൻ നടത്താം. ഏഴാം തരം വിജയിച്ച 17 വയസ്സ് പൂർത്തിയായവർക്ക് പത്താംതരം തുല്യതയ്ക്കായി രജിസ്റ്റർ ചെയ്യാം. പത്താംതരം വിജയിച്ച 22 വയസ് പൂർത്തിയായവർക്ക് ഹയർ സെക്കൻഡറി തുല്യതാ കോഴ്സിന് രജിസ്റ്റർ ചെയ്യാം.
![\"\"](\"https://schoolvartha.com/wp-content/uploads/2023/01/IMG-20230120-WA0053.jpg\")
പത്താംതരത്തിന് 1,950 രൂപയും ഹയർ സെക്കൻഡറിക്ക് 2,600 രൂപയുമാണ് ഫീസ്. പട്ടികജാതി,പട്ടികവർഗ്ഗ വിഭാഗങ്ങൾക്ക് ഫീസിളവുണ്ട്. ഭിന്നശേഷിക്കാർ, ട്രാൻസ്ജൻഡേഴ്സ് എന്നിവർക്ക് ഫീസ് നൽകേണ്ടതില്ല. ട്രാൻസ്ജെൻഡർ വിഭാഗത്തിൽപെട്ടവർക്ക് പ്രതിമാസ സ്കോളർഷിപ്പും നൽകും. വിശദവിവരങ്ങൾക്ക് http://literacymissionkerala.org വെബ്സൈറ്റ് സന്ദർശിക്കുകയോ സാക്ഷരതാമിഷൻ ജില്ലാഓഫീസുകളുമായി ബന്ധപ്പെടുകയോ ചെയ്യാം.
![\"\"](\"https://schoolvartha.com/wp-content/uploads/2023/01/IMG-20230125-WA0041-555x1024.jpg\")