പ്രധാന വാർത്തകൾ

കോഴിക്കോട് കേളികൊട്ടുയരാൻ ഇനി 26ദിനങ്ങൾ: സംസ്ഥാന സ്‌കൂൾ കലോത്സവത്തിന്റെ ലോഗോ പുറത്തിറങ്ങി

Dec 8, 2022 at 11:48 am

Follow us on

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DJyDol6Ntu898w1sWLREHb

തിരുവനന്തപുരം:കലയുടെ സ്വർണ്ണക്കപ്പിനായുള്ള കൗമാര കലോത്സവത്തിന്റെ ലോഗോ പുറത്തിറക്കി. തിരുവനന്തപുരത്ത് മന്ത്രി വി. ശിവൻകുട്ടിയും മന്ത്രി പി.എ.മുഹമ്മദ്‌റിയാസും ചേർന്നാണ് ലോഗോ പ്രകാശനം ചെയ്തത്. 61-മത് സംസ്ഥാന സ്‌കൂൾ കലോത്സവം ജനുവരി 3 മുതൽ 7വരെ കോഴിക്കോട് 24 വേദികളിലായി നടക്കും.

\"\"

239 ഇനങ്ങളിലായി ഹയർ സെക്കന്ററി, ഹൈസ്‌ക്കൂൾ വിഭാഗങ്ങളിൽ നിന്നായി 14000ത്തോളം മത്സരാർത്ഥികൾ പങ്കെടുക്കും. ഹൈസ്‌ക്കൂൾ വിഭാഗത്തിൽ 96 ഉം ഹയർ സെക്കന്ററി വിഭാഗത്തിൽ 105 ഉം, സംസ്‌കൃതോത്സവത്തിൽ 19 ഉം അറബിക് കലോത്സവത്തിൽ 19 ഉം ഇനങ്ങളിലായി ആകെ 239 മത്സരങ്ങളാണ് നടക്കുന്നത്. ഏറ്റവും കൂടുതൽ പോയിന്റ് നേടുന്ന ജില്ലയ്ക്ക് സ്വർണ്ണകപ്പ് സമ്മാനിക്കും. 117.5 പവനിൽ രൂപകൽപന ചെയ്ത സ്വർണ്ണകപ്പാണ് ഓവറോൾ ചാമ്പ്യൻമാരെ കാത്തിരിക്കുന്നത്.

\"\"

രണ്ട് വർഷത്തെ കോവിഡ് പ്രതിസന്ധിക്ക് ശേഷം കേരളത്തിലും കോഴിക്കോടും കലയുടെ കേളികൊട്ട് ഉയരുകയാണ്. മേളകളുടെ പ്രതീകങ്ങൾ ഉൾപ്പെടുത്തിയും, മേളകൾ നടക്കുന്ന ജില്ലയുടേതായ പ്രതീകം അനുയോജ്യമാംവണ്ണം ഉൾപ്പെടുത്തിയുമാണ് ലോഗോ തയ്യാറാക്കേണ്ടതെന്ന് നിർദ്ദേശിച്ച്‌കൊണ്ട് പത്രപരസ്യം ചെയ്തതിന്റെ അടിസ്ഥാനത്തിൽ 26 ലോഗോകളാണ് ലഭിച്ചത്. ആയതിൽ നിന്നും 61-ാമത് കേരള സ്‌കൂൾ കലോത്സവത്തിനുള്ള ലോഗോ ആയി തെരഞ്ഞെടുത്തിരിക്കുന്നത് തിരുവനന്തപുരം കരകുളം സ്വദേശി ശ്രീ. മുഹമ്മദ് റഷീദ് തയ്യാറാക്കിയ ലോഗോ ആണ്.

\"\"

Follow us on

Related News