സർക്കാർ ക്ലറിക്കൽ തസ്തികകളിൽ പ്രബേഷൻ കാലാവധി പൂർത്തിയാക്കാൻ കംപ്യൂട്ടർ ടൈപ്പിങ് നിർബന്ധം: ഉത്തരവിറങ്ങി

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/Lk83gpIkiuH9LHvkPOO7B8

തിരുവനന്തപുരം: സർക്കാർ ക്ലറിക്കൽ തസ്തികകളിൽ പ്രബേഷൻ കാലാവധി പൂർത്തിയാക്കാൻ ഇനിമുതൽ കംപ്യൂട്ടർ ടൈപ്പിങ് നിർബന്ധം. കാലാവധി പൂർത്തീകരിക്കാൻ മിനിറ്റിൽ
15 മലയാളം വാക്കുകളും 20 ഇംഗ്ലിഷ്
വാക്കുകളും കംപ്യൂട്ടറിൽ ടൈപ്പ് ചെയ്യാൻ കഴിയണമെന്നുള്ള സർക്കാർ ഉത്തരവ് പുറത്തിറങ്ങി. സർക്കാർ വകുപ്പുകളിലെ അസിസ്റ്റന്റ്, ക്ലാർക്ക് തസ്തികകളിലും ഇവയ്ക്കു സമാനമായ തസ്തികകളിലും
പുതിയ ഉത്തരവ് ബാധകമാകും.

എന്നാൽ കെജിടിഇ ടൈപ്പ് റൈറ്റിങ് ലോവർ കോഴ്സ് പാസായവർക്ക് പുതിയ ഉത്തരവ്
ബാധകമല്ല. പ്രബേഷൻ കാലാവധി പൂർത്തിയാക്കുന്നതിന് മുൻപ് ജീവനക്കാർക്കു വേഗത്തിൽ ടൈപ്പ് ചെയ്യാൻ കഴിയുന്നുണ്ടോ എന്നു പരിശോധിക്കണമെന്നും ചീഫ് സെക്രട്ടറി ഇറക്കിയ ഉത്തരവിൽ പറയുന്നു. ജീവനക്കാർക്ക് ടൈപ്പിങ്ങിൽ വേഗം ഉണ്ടെന്ന് ഉറപ്പാക്കാൻ പി.എസ്.സിയുമായി ആലോചിച്ച് പരീക്ഷാ ഷെഡ്യൂളും തയാറാക്കും.