RRB ഗ്രൂപ്പ് ഡി അഡ്മിറ്റ് കാർഡ് ഇപ്പോൾ ഡൗൺലോഡ് ചെയ്യാം

SUBSCRIBE OUR YOUTUBE CHANNEL https://youtube.com/c/SchoolVartha

JOIN OUR WHATSAPP GROUP https://chat.whatsapp.com/IudqmDL1gDWB5Cvn85qQ5P

ന്യൂ ഡൽഹി: ആർആർബി ഗ്രൂപ്പ് ഡി ഒന്നാം ഘട്ട പരീക്ഷയ്ക്കുള്ള അഡ്മിറ്റ് കാർഡ് ഉദ്യോഗാർഥികളുടെ പ്രൊഫൈലിൽ നിന്ന് ഡൗൺലോഡ് ചെയ്യാം. ഓഗസ്റ്റ് 17ന് ആരംഭിക്കുന്ന പരീക്ഷകളുടെ അഡ്മിറ്റ് കാർഡാണ് ലഭ്യമായത്. ആർആർബി ഗ്രൂപ്പ് ഡി രണ്ടാം ഘട്ടം പരീക്ഷകൾക്കായുള്ള RRB ലെവൽ 1 ഗ്രൂപ്പ് ഡി പരീക്ഷാ തീയതികളും RRB പുറത്ത് വിട്ടിരുന്നു.

ഉദ്യോഗാർത്ഥികൾക്ക് അവരുടെ രജിസ്ട്രേഷൻ നമ്പറും ജനനത്തീയതിയും ഉപയോഗിച്ച് RRB ഗ്രൂപ്പ് ഡി അഡ്മിറ്റ് കാർഡ് 2022 പരിശോധിക്കാനും ഡൗൺലോഡ് ചെയ്യാനും കഴിയും. കോൾ ലെറ്ററുകൾക്കൊപ്പം ഗ്രൂപ്പ് ഡി പരീക്ഷാ സിറ്റി സ്ലിപ്പും ആർആർബികൾ പുറത്തുവിട്ടിട്ടുണ്ട്. RRB CBT ഫേസ് 2 പരീക്ഷകൾ 2022 ഓഗസ്റ്റ് 26 മുതൽ 2022 സെപ്റ്റംബർ 8 വരെ നടത്തുമെന്ന് ഔദ്യോഗിക അറിയിപ്പ് വെബ്‌സൈറ്റിൽ പ്രസിദ്ധീകരിച്ചു.

ഒരു ലക്ഷത്തിലധികം ഒഴിവുകളിലേക്കുള്ള RRB ഗ്രൂപ്പ് ഡി പരീക്ഷകൾ പല ഘട്ടങ്ങളായിട്ടാണ് നടത്തുന്നത്. ട്രാക്ക് മെയിന്റനർ ഗ്രേഡ്-IV, ഹെൽപ്പർ/അസിസ്റ്റന്റ്, അസിസ്റ്റന്റ് പോയിന്റ്സ്മാൻ, മറ്റ് ലെവൽ-1 തസ്തികകളിലേക്ക് 80 ലക്ഷത്തിലധികം ഉദ്യോഗാർത്ഥികൾ അപേക്ഷിച്ചിട്ടുണ്ട്.
രണ്ടാം ഘട്ടത്തിനായുള്ള ആർആർബി ഗ്രൂപ്പ് ഡി പരീക്ഷ, നോർത്ത് സെൻട്രൽ റെയിൽവേ (അലഹബാദ്), നോർത്ത് വെസ്റ്റേൺ റെയിൽവേ (ജയ്പൂർ), സൗത്ത് ഈസ്റ്റ് സെൻട്രൽ റെയിൽവേ (ബിലാസ്പൂർ), സൗത്ത് ഈസ്റ്റേൺ റെയിൽവേ (കൊൽക്കത്ത) എന്നീ 5 ആർആർസികളിൽ 2022 ഓഗസ്റ്റ് 26 മുതൽ സെപ്റ്റംബർ 8 വരെ നടത്തും. RRB ഗ്രൂപ്പ് D ഘട്ടം 2 ശേഷിക്കുന്ന ഘട്ടങ്ങളുടെ/RRC-കളുടെ പരീക്ഷാ ഷെഡ്യൂൾ യഥാസമയം പ്രഖ്യാപിക്കും.

കൂടുതൽ വിവരങ്ങൾക്ക്: www.rrbcdg.gov.in