ആരോഗ്യ സർവകലാശാലയുടെ ബിരുദദാനം ജൂലൈ 12ന്: ആരോഗ്യ രംഗത്തെത്തുന്നത് 6812 ബിരുദധാരികൾ

Jul 8, 2022 at 4:23 pm

Follow us on

JOIN OUR WHATSAPP GROUP https://chat.whatsapp.com/GnI8Hht4huJCZPI8rISqz0

തൃശ്ശൂർ: ആരോഗ്യ ശാസ്ത്ര സർവകലാശാലയുടെ പതിനഞ്ചാമത് ബിരുദദാനച്ചടങ്ങ് ജൂലൈ 12ന് നടക്കും. രാവിലെ 11ന് തൃശൂർ ഗവണ്മെന്റ് മെഡിക്കൽ കോളേജ് അലൂമിഅസോസിയേഷൻ ഓഡിറ്റോറിയത്തിലാണ് ചടങ്ങുകൾ. സർവകലാശാലാ ചാൻസലറും, കേരള ഗവർണറുമായ ആരിഫ് മുഹമ്മദ് ഖാൻ ബിരുദദാനം നിർവഹിക്കും. 6812 വിദ്യാർത്ഥികൾക്ക് ബിരുദ-ബിരുദാനന്തര ബിരുദം ലഭിക്കും.👇🏻👇🏻

ചടങ്ങിൽ ഡോ. ജയറാം പണിക്കർ എൻഡോവ്മെന്റ് അവാർഡ് വിതരണം, ബിരുദ കോഴ്സുകളിലെ ഒന്നാം റാങ്ക് ജേതാക്കൾക്കുള്ള ക്യാഷ് അവാർഡ് വിതരണം എന്നിവയും നടക്കും.
അക്കാദമിക കലണ്ടറിന്റെ അടിസ്ഥാനത്തിൽ, സൂക്ഷ്മതയോടെയും
കൃത്യതയോടെയും പരീക്ഷകൾ നടത്തി, ആധുനിക സാങ്കേതിക വിദ്യകളുടെ
അടിസ്ഥാനത്തിൽ കുറ്റമറ്റ രീതിയിൽ മൂല്യനിർണ്ണയം നടത്തിയാണ് ഓരോ
പരീക്ഷകളുടേയും ഫലപ്രസിദ്ധീകരണം നടത്തുന്നതെന്ന് സർവകലാശാല രജിസ്ട്രാർ അറിയിച്ചു. വിജയികളായ എല്ലാവർക്കും കാലതാമസം കൂടാതെ ബിരുദ സർട്ടിഫിക്കറ്റ്
ലഭ്യമാക്കും.👇🏻👇🏻

ഇതുവരെ 99666 പേർ സർവകലാശാലയിൽ നിന്ന് ബിരുദം നേടി. പുതുതായി ബിരുദം കൈപ്പറ്റുന്ന 6812 പേരുൾപ്പടെ ആകെ 106478 പേർക്ക്കേരള ആരോഗ്യ സർവകലാശാലാ ബിരുദം ലഭ്യമാകുകയാണ്.
സർവ്വകലാശാല ജൂലൈ പന്ത്രണ്ടിന് നടത്തുന്ന ബിരുദദാനച്ചടങ്ങിൽ
സർവ്വകലാശാലക്കു കീഴിലുള്ള കോളേജുകളിൽ പഠനം പൂർത്തീകരിച്ച 6812
ബിരുദധാരികൾക്കാണ് ബിരുദം നൽകുന്നത്. 👇🏻👇🏻

അവരിൽ 254 പേർ മെഡിക്കൽ പി ജി ഡിഗ്രി/ഡിപ്ലോമ/സൂപ്പർ സ്പെഷ്യാലിറ്റി ബിരുദധാരികളും, 27 പേർഡെന്റൽ പി ജി ബിരുദധാരികളും, 198 പേർ ആയുർവ്വേദ പി ജി ഡിപ്ലോമ ബിരുദധാരികളും, 40 പേർ ഹോമിയോ പി ജി ബിരുദധാരികളും, 239 പേർ
നഴ്സിംഗ് പി ജി ബിരുദധാരികളും, 463 പേർ ഫാർമസി പി ജി ബിരുദധാരികളും, 191 പേർ പാരാമെഡിക്കൽ പി ജി ബിരുദധാരികളാണ്.
ബിരുദാനന്തര ബിരുദം/പി ജി ഡിപ്ലോമ നേടിയ 1412 പേർക്കാണ് ബിരുദദാനച്ചടങ്ങിൽ നേരിട്ട് ബിരുദ സർട്ടിഫിക്കറ്റുകൾ നടത്തുന്നത്. കേരളീയ വസ്ത്രധാരണ രീതിയിലുള്ള മുണ്ടും ജുബ്ബയും, കേരള സാരിയും,
ധരിച്ചാണ് എല്ലാവരും ബിരുദദാനച്ചടങ്ങിൽ
പങ്കെടുക്കുക.