സർവകലാശാലയുടെ “യൂണികോഫി”, പരീക്ഷാഫലം: ഇന്നത്തെ കണ്ണൂർ സർവകലാശാല വാർത്തകൾ

 
കണ്ണൂർ: സർവകലാശാല പഠനവകുപ്പുകളിലെ ഒന്നാം സെമസ്റ്റർ എം. എ. ജേണലിസം & മാസ് കമ്യൂണിക്കേഷൻ, എം. എസ് സി. വുഡ് സയൻസ് & ടെക്നോളജി (ഇൻഡസ്ട്രി ലിങ്ക്ഡ്) (റെഗുലർ/സപ്ലിമെന്ററി), നവംബർ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മ പരിശോധനക്കും പകർപ്പിനും 01.07.2022 ന് വൈകുന്നേരം 5 മണി വരെ  അപേക്ഷിക്കാം.👇🏻👇🏻

ആറാം സെമസ്റ്റർ ബി. എ. ഇക്കണോമിക്സ്, ഡിവെലപ്മെന്റൽ ഇക്കണോമിക്സ്, മ്യൂസിക് റെഗുലർ/ സപ്ലിമെന്ററി/ ഇംപ്രൂവ്മെന്‍റ്, ഏപ്രിൽ 2022 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മപരിശോധനക്കും പകർപ്പിനും 02.07.2022 ന് വൈകുന്നേരം 5 മണി വരെ  ഓൺലൈനായി അപേക്ഷിക്കാം.👇🏻👇🏻

“യൂണികോഫി” – വിപണനോൽഘാടനം 
 
കണ്ണൂർ സർവകലാശാല ടെക്നോളജി ബിസിനസ് ഇൻക്യൂബേഷൻ സെൻറർ (TBI-KU) പുറത്തിറക്കുന്ന “യൂണികോഫി” ബ്രാൻഡ് കാപ്പി പൊടിയുടെ വിപണനം ജില്ലാ പഞ്ചായത്ത് പ്രസിഡണ്ട് ശ്രീമതി.പി.പി.ദിവ്യ സർവകലാശാല സെനറ്റ് അംഗം ശ്രീ.സാജു പി.ജെ ക്ക് നൽകി നിർവഹിച്ചു.  സർവകലാശാല എം.ബി.എ വിദ്യാർത്ഥികളാണ് “യൂണികോഫി” മാർക്കറ്റ് ചെയ്യുന്നത്. കണ്ണൂർ കാസർഗോഡ്, വയനാട് ജില്ലകളിലെ കർഷകരിൽനിന്നും സംഭരിച്ച ഗുണമേന്മയുള്ള കാപ്പികുരുവിൽനിന്നുമാണ് “യൂണികോഫി” നിർമിക്കുന്നത്. പഠനത്തോടൊപ്പം സമ്പാദിക്കുക (Earn While You Learn) എന്ന പദ്ധതി വിദേശ രാജ്യങ്ങളിൽ മുൻപുതന്നെ ഉണ്ടായിരുന്നെങ്കിലും നമ്മുടെ സമൂഹത്തിൽ ഇതിന്  കൂടുതൽ പ്രാധാന്യം കിട്ടേണ്ടതുണ്ടെന്ന്  പരിപാടി ഉൽഘാടനം ചെയ്ത് ശ്രിമതി പി.പി.  ദിവ്യ അഭിപ്രായപ്പെട്ടു. 👇🏻👇🏻

“യൂണികോഫി” ബ്രാൻഡിലുള്ള ഒരു കോഫീഷോപ്പ് വിദ്യാർത്ഥികൾക്ക് തുടങ്ങാൻ താല്പര്യമുണ്ടെകിൽ ജില്ലാ പഞ്ചായത്ത് എല്ലാ സഹായവും നൽകുമെന്ന് അവർ  ഉറപ്പുനൽകി. സർവകലാശാലയിൽ വച്ച് നടന്ന ചടങ്ങിൽ ഫിനാൻസ് ഓഫിസർ ശ്രീ.ശിവപ്പു പി, പരീക്ഷാ കൺട്രോളർ ശ്രീ.ജയരാജൻ ബി.സി, യൂണിവേഴ്സിറ്റി എന്റർപ്രണർഷിപ് കോഓർഡിനേറ്റർ പ്രൊഫ.യു.ഫൈസൽ, ശ്രീ.മുനീർ എന്നിവർ സംസാരിച്ചു. ‘യൂണി കോഫി’ ബ്രാൻഡിലുള്ള കാപ്പിപ്പൊടിയുടെ ഉൽഘാടനം കഴിഞ്ഞ മെയ് 18 നു ബഹു. തദ്ദേശ സ്വയംഭരണ വകുപ്പ്, ഗ്രാമവികസനം വകുപ്പ് മന്ത്രി.ശ്രീ. എം. വി. ഗോവിന്ദൻ മാസ്റ്റർ നിർവഹിച്ചിരുന്നു. ഇതിന്റെ വിപണന പരിപാടിയാണ് ഇന്ന് നടന്നത്.

• സംസ്ഥാന സ്കൂൾ കായികമേള: ചീഫ് മിനിസ്റ്റഴ്സ് എവർ – റോളിങ് ട്രോഫി മുഖ്യമന്ത്രി കൈമാറി
• തിരുവനന്തപുരത്തെ മഴ മുന്നൊരുക്കം: അടിയന്തര സാഹചര്യം നേരിടാൻ നിർദേശം
• പൊതുവിദ്യാലയങ്ങളിൽ കുട്ടികൾ കുറയുന്നുവെന്ന പ്രചാരണം തെറ്റെന്ന് മന്ത്രി വി.ശിവൻകുട്ടി
• തസ്തിക നിർണയം പൂർത്തിയാകുമ്പോൾ അധ്യാപകർക്ക് തൊഴിൽ നഷ്ടമാകില്ല: മന്ത്രി വി. ശിവൻകുട്ടി
• കൈരളി റിസര്‍ച്ച് അവാര്‍ഡുകള്‍ പ്രഖ്യാപിച്ചു: ജേതാക്കളെ അറിയാം